అమ్మ

తారాగణం: సుహాసిని,బేబి సునయన
గాత్రం: బాలు,జానకి
సాహిత్యం: వేటూరి
సంగీతం: కీరవాణి
దర్శకత్వం: సురేష్‌కృష్ణ
నిర్మాత: రామోజిరావు
సంస్థ: ఉషాకిరణ్ మూవీస్
విడుదల: 1991



మాతృదినోత్సవ సందర్భంగా అమ్మలందరికి మాతృదినోత్సవ శుభాకంక్షలు



పల్లవి:

మా జనని లోక పావని
మా అవని ప్రేమ ధమని
పుట్టినందుకు పువ్వుగ మారి కొలవరా అమ్మని
పువ్వురాలినా తావి తీరని జన్మకే జన్మని,అమ్మని
మా జనని లోక పావని
మా అవని ప్రేమ ధమని

చరణం1:

బ్రహ్మను కన్న భగవతి
మమతలు పంచే మధుమతి
కోవెల ఎరుగని హారతి
ఏ వెల కందని శ్రీమతి
కర్ణ రాధని,భీష్మ గంగని
కీర్తని ఆ కృష్ణ యశోదని
వేదనతీర్చే వేద వాక్కుగా పిలవరా అమ్మని
పేగుచించి నీ పేరుపెట్టిన ఆమెదే ప్రేమని అమ్మని

మా జనని లోక పావని
మా అవని ప్రేమ ధమని

చరణం2:

సహనంలో ఒక సాగరం
జీవనదులకే పుష్కరం
అమ్మ అన్న మధురాక్షరం
అనురాగంలో సుస్వరం
తల్లి గౌరిని,కన్నె మేరిని
కన్యకా పరమేశ్వరి ధరణిని
ఆకలేసిన కేకలేసిన అలగని అమ్మని
ఆదిశేషువే పొగడలేడురా భాషలో అమ్మని అమ్మని

మా జనని లోక పావని
మా అవని ప్రేమ ధమని
పుట్టినందుకు పువ్వుగ మారి కొలవరా అమ్మని
పువ్వురాలినా తావి తీరని జన్మకే జన్మని,అమ్మని

~~~~~~~~~~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~~~~~~~~~