సాహిత్యం: సీతారామశాస్త్రి
ధర్మపరిరక్షణా ధురంధరుండా
సకలపాప శిక్షణా దక్షుండా
చండతర దండతర బాహుమండిత విగ్రహుండా
నిఖిల చరాచర జీవప్రాణ నిర్మూలనా నియముండా హ యముండా
పల్లవి:
అభివందనం యమ రాజాగ్రణీ
సుస్వాగతం సుర చూడామణీ
తమ సుగుణాలు పలుమారు కీర్తించనీ
ఆ.. ఆ ఆ ఆ ఆ ఆ
ఏమీ శహబాష్
సెహబాసులే నర నారీమణీ బహుబాగులే సుకుమారీమణీ
నిను మెచ్చాను వచ్చాను రారమ్మనీ
ఆ.. ఆ ఆ ఆ ఆ ఆ
చరణం1:
సరసాలు చవిచూడ ఇటురా దొరా
నవమన్మథాకార నడుమందుకోరా
రాకాసి కింకరుల రారాజునే
నరకాన నీవంటి సరుకెపుడు కననే
పాపాలు తెగ మోసి తల మాసెనేమో
నా పాలబడి కాస్త సుఖమందుకోవోయ్
ఆ...ఆ ఆ ఆ ఆ ఆ
అవశ్యము అటులనే కానిమ్ము
నీ కౌగిలే నవ సింహాసనం
రసలోకమే ఇక మన కాపురం
యమ సరదాగా సాగాలి ఈ సంబరం
ఆ... ఆ ఆ ఆ ఆ ఆ
చరణం2:
ఊర్వశికి నీవేమి కజినవుదువా
కాకున్న నీకింత సౌందర్యమేల
నరలోకమున ఊరికొక ఊర్వశి
స్వర్గాలే దిగివచ్చు మా కులుకు చూసి
ఊరించకే ఇక నా రాజహంస
యమ హాయి నీదేలే రసికావతంస
ఆ... ఆ ఆ ఆ ఆ ఆ
రసికాగ్రేసరుండా యముండా
మైకాలలో తమ మతిపోవగా
నా కేళిలో పడి మునకేయగా
గద వదిలేసి ఒడిలోకి రాదేవరా
ఆ.. ఆ ఆ ఆ ఆ ఆ
మజ్జారే మదవతీ
సెహబాసులే నర నారీమణీ బహుబాగులే సుకుమారీమణీ
నిను మెచ్చాను వచ్చాను రారమ్మనీ
ఆ... ఆ ఆ ఆ ఆ ఆ
ధర్మపరిరక్షణా ధురంధరుండా
సకలపాప శిక్షణా దక్షుండా
చండతర దండతర బాహుమండిత విగ్రహుండా
నిఖిల చరాచర జీవప్రాణ నిర్మూలనా నియముండా హ యముండా
~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~
No comments:
Post a Comment