ఇల్లాలు

తారాగణం: కె.వి.నాగేశ్వరరావు, గీతాంజలి
గాత్రం: పి.సుశీల
సాహిత్యం: ఆత్రేయ
సంగీతం: కే.వి.మహదేవన్
దర్శకత్వం: సంజీవరావు
సంస్థ: ప్రసాద్ ప్రొడక్షన్స్
విడుదల: 1965



పల్లవి:

మల్లెపువ్వులు విరిసెరా మంచు తెరలు కరిగెరా
నల్లనయ్యా మేలుకో
నల్లనయ్యా మేలుకో చల్లనయ్యా మేలుకో
మల్లెపువ్వులు విరిసెరా మంచు తెరలు కరిగెరా

చరణం1:

పురిటి వెలుగున బుగ్గపై నీ పంటి నొక్కులు కంటిరా
చిరుత నవ్వుల పెదవిపై
చిరుత నవ్వుల పెదవిపై నా కంటి కాటుకలంటెరా
నల్లనయ్యా మేలుకో చల్లనయ్యా మేలుకో

చరణం2:

చిక్కు పడిన కురులు చూసి సిగ్గు ముంచుకు వచ్చెరా
రేయి గడచిన హాయినంతా
రేయి గడచిన హాయినంతా మనసు నెమరు వేసెరా
నల్లనయ్యా మేలుకో చల్లనయ్యా మేలుకో

చరణం3:

నీవు నిండుగ నవ్వినపుడే నాకు నిజముగ తెల్లవారును
నా కాపురాన రేపు మాపులు
కాపురాన రేపు మాపులు కలవురా నీ చూపులోనే

మల్లెపువ్వులు విరిసెరా మంచు తెరలు కరిగెరా
నల్లనయ్యా మేలుకో చల్లనయ్యా మేలుకో
మల్లెపువ్వులు విరిసెరా మంచు తెరలు కరిగెరా

~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~