ఇద్దరు మిత్రులు

తారాగణం: నాగేశ్వరరావు,రాజసులోచన,ఇ.వి.సరోజ
గాత్రం: ఘంటసాల, సుశీల
సాహిత్యం: దాశరథి
సంగీతం: ఎస్.రాజేశ్వరరావు
దర్శకత్వం: ఆదుర్తి సుబ్బారావు
నిర్మాత: డి.మధుసూదనరావు
సంస్థ: అన్నపూర్ణ పిక్చర్స్
విడుదల: 1961



పల్లవి:

ఖుషీఖుషీగా నవ్వుతూ చలాకి మాటలు రువ్వుతూ
హుషారు గొలిపేవెందుకే నిషా కనులదానా
ఖుషీఖుషీగా నవ్వుతూ చలాకి మాటలు రువ్వుతూ
హుషారు గొలిపేవెందుకే నిషా కనులదానా

ఓ మేనాలోన ప్రియుని చేర వెళ్ళింది నా చెలి మీనా
మేనాలోన ప్రియుని చేర వెళ్ళింది నా చెలి మీనా
నింగి దాటి ఆనంద సాగరం పొంగిపొరలె నాలోన
ఖుషీఖుషీగా నవ్వుతూ చలాకి మాటలు రువ్వుతూ
హుషారు గొలిపేదిందుకే నిషా కనులవాడా

చరణం1:

ఓ ఓహో చెలియా నీవు కూడ ఓ పెళ్ళి పల్లకి చూసుకో
ఓహో చెలియా నీవు కూడ ఓ పెళ్ళి పల్లకి చూసుకో
హాయిగొలుపు సన్నాయి పాటలో వలపుబాటలే వేసుకో
నే వెళితే మరి నీవు మజ్నూవవుతావు
నే వెళితే మరి నీవు మజ్నూవవుతావు
మజ్నూ నేనేతై ఓ లైలా లోకమే చీకటైపోవునే
మజ్నూ నేనేతై ఓ లైలా లోకమే చీకటైపోవునే
ఖుషీఖుషీగా నవ్వుతూ చలాకి మాటలు రువ్వుతూ
హుషారుగా ఉందాములే నిషా కనులవాడా

చరణం2:

ఓ ఆకాశంలో ఇంద్రధనసుపై ఆడుకొందుమా నేడే
నీలినీలి మేఘాల రథముపై తేలిపోదుమీనాడే
చంద్రుడు నేనై నీవు వెన్నెలై కలిసిపోదమా హాయిగా
నేను వీణనై నీవు నాదమై ఏకమవుదమా తీయగా
ఖుషీఖుషీగా నవ్వుతూ చలాకి మాటలు రువ్వుతూ
హుషారుగా ఉందాములే హమేషా మజాగా

~~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~