బంగారు తిమ్మరాజు

తారాగణం: కాంతారావు, రాజశ్రీ
గాత్రం: యేసుదాసు (తొలి పాట)
సాహిత్యం: ఆరుద్ర
సంగీతం: ఎస్.పి.కోదండపాణి
దర్శకత్వం: జి. విశ్వనాధం
సంస్థ: గౌరి ప్రొడక్షన్స్
విడుదల: 1964



పల్లవి:

ఓ నిండు చందమామ నిగనిగల భామ
ఒంటరిగా సాగలేవు కలసి మెలసి పోదామా
ఓ ఓ ఓ ఓ ఓ ఓ నిండు చందమామ

చరణం1:

నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసుపడే ముచ్చటలాయే
నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసుపడే ముచ్చటలాయే
మేలుకున్న స్వప్నములోన ఏల ఇంత బిడియపడేవు
మేలుకున్న స్వప్నములోన ఏల ఇంత బిడియపడేవు
ఏలుకునే ప్రియుడను కానా లాలించగ సరసకు రానా ఓ ఓ ఓ ఓ ఓ ఓ

నిండు చందమామ నిగనిగల భామ
ఒంటరిగా సాగలేవు కలసి మెలసి పోదామా
ఓ ఓ ఓ ఓ ఓ ఓ నిండు చందమామ

చరణం2:

దోర వయసు ఊహలు నీలో దోబూచులు ఆడసాగే
కోరుకున్న మురిపాలన్నీ కొసరి కొసరి చెలరేగే
దోర వయసు ఊహలు నీలో దోబూచులు ఆడసాగే
కోరుకున్న మురిపాలన్నీ కొసరి కొసరి చెలరేగే
నీదు మనసు నీలో లేదు నాలోనె లీనమయే
నీదు మనసు నీలో లేదు నాలోనె లీనమయే
నేటినుంచి మేనులు రెండూ నెరజాణా ఒకటాయే ఓ ఓ ఓ ఓ ఓ ఓ

నిండు చందమామ నిగనిగల భామ
ఒంటరిగా సాగలేవు కలసి మెలసి పోదామా
ఓ ఓ ఓ ఓ ఓ ఓ నిండు చందమామ


~~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~~