ఖైది నెంబర్ 786

తారాగణం: చిరంజీవి,భానుప్రియ
గాత్రం: బాలు,జానకి
సాహిత్యం: భువనచంద్ర
సంగీతం: రాజ్-కోటి
దర్శకత్వం: విజయబాపినీడు
నిర్మాత: మాగంటి రవీంద్రనాథ్ చౌదరి
విడుదల: 1988







పల్లవి:

గువ్వ గోరింకతో ఆడిందిలే బొమ్మలాట
నిండు నా గుండెలో మోగిందిలే వీణపాట
ఆడుకోవాలీ గువ్వలాగా
పాడుకుంటాను నీ జంట గోరింకనై
గువ్వ గోరింకతో ఆడిందిలే బొమ్మలాట
నిండు నా గుండెలో మోగిందిలే వీణపాట హా ఆ ఆ

చరణం1:

జోడుకోసం గోడ దూకే వయసిది తెలుసుకో అమ్మాయిగారు
అయ్యొ పాపం అంత తాపం తగదులే తమరికి అబ్బాయిగారు
ఆత్రమూ ఆరాటమూ చిందే వ్యామోహం
ఊర్పులో నిటూర్పులో అంతా నీ ధ్యానం
కోరుకున్నానని ఆట పట్టించకు
చేరుకున్నానని నన్ను దోచేయకు
చుట్టుకుంటాను సుడిగాలిలా

హొయ్ గువ్వ గోరింకతో ఆడిందిలే బొమ్మలాట
నిండు నా గుండెలో మోగిందిలే వీణపాట హొయ్ హొయ్

చరణం2:

కొండనాగు తోడుచేరే నాగిని బుసలలో వచ్చే సంగీతం
సందెకాడ అందగత్తె పొందులో ఉందిలే ఎంతో సంతోషం
పూవులో మకరందమూ ఉందే నీకోసం
తీర్చుకో ఆ దాహమూ వలపే జలపాతం
కొంచమాగాలిలే కొర్కె తీరేందుకు
దూరముంటానులే దగ్గరయ్యేందుకు
దాచిపెడతాను నా సర్వమూ

గువ్వ గోరింకతో ఆడిందిలే బొమ్మలాట
నిండు నా గుండెలో మోగిందిలే వీణపాట
ఆడుకోవాలీ గువ్వలాగా
పాడుకుంటాను నీ జంట గోరింకనై


~~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~~