సాహిత్యం: దాశరథి
పల్లవి:
అమ్మ అన్నది ఒక కమ్మని మాట
అది ఎన్నెన్నో తెలియని మమతల మూట
అమ్మ అన్నది ఒక కమ్మని మాట
అది ఎన్నెన్నో తెలియని మమతల మూట
చరణం1:
దేవుడే లేడనే మనిషున్నాడు
అమ్మే లేదను వాడు అసలే లేడు
దేవుడే లేడనే మనిషున్నాడు
అమ్మే లేదను వాడు అసలే లేడు
తల్లి ప్రేమ నోచుకున్న కొడుకే కొడుకు
తల్లి ప్రేమ నోచుకున్న కొడుకే కొడుకు
ఆ తల్లి సేవ చేసుకునే బ్రతుకే బ్రతుకు
అమ్మ అన్నది ఒక కమ్మని మాట
అది ఎన్నెన్నో తెలియని మమతల మూట
మమతల మూట
చరణం2:
అమ్మంటే అంతులేని సొమ్మురా
అది ఏనాటికి తరగని భాగ్యమ్మురా
అమ్మ మనసు అమృతమే చిందురా
అమ్మ ఒడిలోన స్వర్గమే ఉందిరా, ఉందిరా
అమ్మ అన్నది ఒక కమ్మని మాట
అది ఎన్నెన్నో తెలియని మమతల మూట
మమతల మూట
చరణం3:
అంగడిలో దొరకనిది అమ్మ ఒక్కతే
అందరికి ఇలవేలుపు అమ్మ ఒక్కతే
అంగడిలొ దొరకనిది అమ్మ ఒక్కతే
అందరికి ఇలవేలుపు అమ్మ ఒక్కతే
అమ్మ ఉన్న ఇంటిలో లేనిది ఏదీ
అమ్మ ఉన్న ఇంటిలో లేనిది ఏదీ
అమ్మ అనురాగం ఇక నుంచి నీదీ నాదీ
అమ్మ అన్నది ఒక కమ్మని మాట
అది ఎన్నెన్నో తెలియని మమతల మూట
మమతల మూట
~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~
No comments:
Post a Comment