బొమ్మరిల్లు

గాత్రం: శ్రీనివాస్,గోపికాపూర్ణీమ
సాహిత్యం: భాస్కరభట్ల




పల్లవి:

బొమ్మను గీస్తే నీలా ఉంది
దగ్గరకొచ్చి ఓ ముద్దిమ్మంది
సర్లే పాపం అని దగ్గరకెళ్తే
దాని మనసే నీలో ఉందంది
ఆ ముద్దేదో నీకే ఇమ్మంది
సరసాలాడే వయసొచ్చింది
సరదా పడితే తప్పేముంది
ఇవ్వాలని నాకూ ఉంది
కాని సిగ్గే నన్ను ఆపింది
దానికి సమయం వేరే ఉందంది

చరణం1:

చలిగాలి అంది చెలికి ఒణుకే పుడుతుంది
వెచ్చని కౌగిలిగా నిన్ను అల్లుకుపొమ్మంది
చలినే తరిమేసే ఆ కిటుకే తెలుసండీ
శ్రమ పడిపోకండి తమ సాయం వద్దండీ
పొమ్మంటావే బాలిక ఉంటానంటే తోడుగా
అబ్బో ఎన్త జాలిరా తమరికి నామీద
ఏం చెయ్యాలమ్మ నీలో ఎదో దాగుంది
నీ వైపే నన్నే లాగింది

చరణం2:

అందంగా ఉంది తన వెంటే పదిమంది
పడకుండా చూడు అని నా మనసంటుంది
తమకే తెలియంది నా తోడై ఒకటుంది
మరెవరో కాదండి అది నా నీడేనండి
నీతో నడిచి దానికి అలుపొస్తుందే జానకి
హయ్యో అలక దేనికి నా నీడవు నువ్వేగా
ఈ మాట కోసం ఎన్నాళ్ళుగా వేచుంది
నా మనసు ఎన్నో కలలు కంటుంది

బొమ్మను గీస్తే నీలా ఉంది ఉహు
దగ్గరకొచ్చి ఓ ముద్దిమ్మంది అహహహ
సర్లే పాపం అని దగ్గరకెళ్తే
దాని మనసే నీలో ఉందంది
ఆ ముద్దేదో నీకే ఇమ్మంది
దాని మనసే నీలో ఉందంది
ఆ ముద్దేదో నీకే ఇమ్మంది

~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~