ష్...

తారాగణం: షఫీ,మాధవీలత,మిథున
గాత్రం: చిత్ర, కార్తీక్, గీతా మాధురి
సాహిత్యం: వేటూరి
సంగీతం: శ్రీ వసంత్
నిర్మాత & దర్శకత్వం: హరిచరణప్రసాద్
విడుదల: 2009





పల్లవి:

ఎవరో ఎవరో
ఎవరో ఎవరో
ఎవరో ఎవరో ఎదలో నీ వారెవ్వరో
ఎవరో ఎవరో మదినేలే వారెవ్వరో
మౌనం కరిగించే మనసే మురిపించే
నా ఏడేడు జన్మాల తోడెవ్వరో

ఎవరో ఎవరో
ఎవరో ఎవరో
ఎవరో ఎవరో ఎదలో నీ వారెవ్వరో
ఎవరో ఎవరో మదినేలే వారెవ్వరో
మనసై కనిపించే మమతే కురిపించే
నా పంచప్రాణాల జాడెవ్వరో

చరణం1:

గుండెలోన పొంగుతున్న ప్రేమకు రూపం ఎవరో
ఇన్నినాళ్ళు దాచుకున్న ఊహల దీపం ఎవరో
మనసులోన తీయనైన గాయం చేసిందెవరో
మాటరాని చూపుతోనేఎ మంత్రం వేసిందెవరో
తొలిఋతువై నన్ను నాకు చూపించెనెవరో
తొలకరిలా మేను వేణు ఊదించెనెవరో
నాలోని తానెవ్వరో

ఎవరో ఎవరో ఎదలో నీ వారెవ్వరో
ఎవరో ఎవరో మదినేలే వారెవ్వరో

చరణం2:

సందెవేళ చందనాలు చల్లే జాబిల్లెవరో
ఎండలోన విరగబూసి నవ్వే సిరిమల్లెవరో
నందనాల స్వాగతించు ప్రేమకు రాగం ఎవరో
యమున పొంగు యవ్వనాల అలలకు తాళం ఎవరో
అలికిడిగా అసలు మాట దాచేదెవరో
అలజడిగా మెరుపు కన్ను గీటేదెవరో
తానింక నాకెవ్వరో

ఎవరో ఎవరో ఎదలో నీ వారెవ్వరో
ఎవరో ఎవరో మదినేలే వారెవ్వరో

~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~