జీవితంలో వసంతం

తారాగణం: రామకృష్ణ , చంద్రకళ
గాత్రం: బాలు, వాణి జయరాం
సాహిత్యం: వేటూరి
సంగీతం: చక్రవర్తి
దర్శకత్వం: యు.వి.ఫణి
సంస్థ: శశికళా చిత్ర
విడుదల: 1977




పల్లవి:

నీలగిరి చల్లన నీ ఒడి వెచ్చన
నీలగిరి చల్లన నీ ఒడి వెచ్చన
నువ్వు నేను ఒకటైతే నూరేళ్ళు పచ్చన
నీ మది కోవెల అన్నది కోయిల
నీ జత నేనుంటే బ్రతుకే ఊయల
నీలాల మబ్బులలో తేలి తేలి పోదామా
సోలి సోలి పోదామా
ప్రియతమా...ప్రియతమా ఓ ఓ ఓ
నీలగిరి చల్లన నీ ఒడి వెచ్చన
నీ మది కోవెల అన్నది కోయిల

చరణం1:

నీ లేడి కన్నులలో మెరిసే తారకలు
నీ లేత నవ్వులలో విరిసే మల్లికలు
నీ మాట వరసలలో వలపే వెల్లువగా
నీ పాట తోటలలో పిలుపే వేణువుగా
పులకించిన నా మదిలో పలికించిన రాగాలు
చెలరేగిన వయసులో తీయని అనురాగాలు
ఇదే ఇదేలే జీవితం లలాలలా
జీవితంలో వసంతం ఆ ఆ ఆ ఆ
ఇదే ఇదేలే జీవితం అహహహహ
జీవితంలో వసంతం
నీలాల మబ్బులలో తేలి తేలి పోదామా
సోలి సోలి పోదామా

చరణం2:

ఈ ఏటి తరగలలో గలగలలే నీ గాజులుగా
ఈ కొండగాలులలో హా గుసగుసలే నీ ఊసులుగా
ఈ సంధ్య వెలుగులలో కలయికలే కవితలుగా
ఈ కౌగిలింతలలో అల్లికలే మమతలుగా
తొలి పువ్వుల చిరునవ్వుల సిరిమువ్వల సవ్వడిలో
మరుమల్లెల విరిజల్లుల మనసిచ్చిన నీ ఒడిలో
ఇదే ఇదేలే జీవితం లలాలలా
జీవితంలో వసంతం ఆ ఆ ఆ ఆ
ఇదే ఇదేలే జీవితం అహహహహ
జీవితంలో వసంతం
నీలాల మబ్బులలో...నీలాల మబ్బులలో
తేలి తేలి పోదామా...తేలి తేలి పోదామా
సోలి సోలి పోదామా

~~~~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~~~