కొత్తనీరు

తారాగణం: చంద్రమోహన్, మోహన్‌బాబు,దీప
గాత్రం: ఎస్.పి.శైలజ
సాహిత్యం: ఆరుద్ర
సంగీతం: రమేష్ నాయుడు
దర్శకత్వం: కె.ఎస్.ప్రకాశరావు
సంస్థ: లక్ష్మి ప్రొడక్షన్స్
విడుదల: 1981



పల్లవి:

ఊగిసలాడకె మనసా
నువ్వు ఉబలాటపడకే మనసా
ఊగిసలాడకె మనసా
నువ్వు ఉబలాటపడకే మనసా
ఊసుపోలేదనో ఆశగా ఉందనో
ఉర్రూతలూగకే మనసా
ఊగిసలాడకె మనసా
నువ్వు ఉబలాటపడకే మనసా

చరణం1:

తలలోన ముడిచాక విలువైన పూవైన
దైవపూజకు తగదు మనసా
దైవపూజకు తగదు మనసా
తలలోన ముడిచాక విలువైన పూవైన
దైవపూజకు తగదు మనసా
దైవపూజకు తగదు మనసా
పొరపాటు చేసావో దిగాజారిపోతావు
నగుబాటు తప్పదు మనసా
పెడదారి మురిపాలు మొదటికే మోసాలు
చాలు నీ వేషాలు మనసా
చాలు నీ వేషాలు మనసా

ఊగిసలాడకె మనసా
నువ్వు ఉబలాటపడకే మనసా
ఊసుపోలేదనో ఆశగా ఉందనో
ఉర్రూతలూగకే మనసా
ఊగిసలాడకె మనసా
నువ్వు ఉబలాటపడకే మనసా

చరణం2:

తుమ్మెదలు చెలరేగి తోటలో ముసిరేను
దిమ్మరిని నమ్మకే మనసా
దేశదిమ్మరిని నమ్మకే మనసా
తుమ్మెదలు చెలరేగి తోటలో ముసిరేను
దిమ్మరిని నమ్మకే మనసా
దేశదిమ్మరిని నమ్మకే మనసా
చపలచిత్తము విపరీతమవుతుంది
చలియించకే వెర్రి మనసా
కపటాలు సరదాలు కవ్వింపు సరసాలు
కాలు జారేనేమో మనసా
కాలు జారేనేమో మనసా

ఊగిసలాడకె మనసా
నువ్వు ఉబలాటపడకే మనసా
ఊసుపోలేదనో ఆశగా ఉందనో
ఉర్రూతలూగకే మనసా
ఊగిసలాడకె మనసా
నువ్వు ఉబలాటపడకే మనసా

~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~~