గోదావరి

గాత్రం: గాయత్రి
సాహిత్యం: వేటూరి



పల్లవి:

నీల గగన ఘనవి చలన ధరణిజా శ్రీ రమణ
మధుర వదన నళిన నయన మనవి వినరా రామ

రామ చక్కని సీతకీ అరచేత గోరింట
ఇంత చక్కని చుక్కకీ ఇంకెవరు మొగుడంట
రామ చక్కని సీతకీ

చరణం1:

ఉడత వీపున వేలు విడిచిన పుడమి అల్లుడు రాముడే
ఎడమ చేతను శివుని విల్లును ఎత్తిన ఆ రాముడే
ఎత్తగలడా సీత జడను తాళి కట్టే వేళలో
రామ చక్కని సీతకీ

చరణం2:

ఎర్ర జాబిలి చేయి గిల్లి రాముడేడని అడుగుతుంటే
చూడలేనని పెదవి చెప్పే చెప్పలేమని కనులు చెప్పే
నల్లపూసై నాడు దేవుడు నల్లని రఘురాముడు
రామ చక్కని సీతకీ

చరణం3:

చుక్కనడిగా దిక్కునడిగా చెమ్మగిల్లిన చూపునడిగా
నీరు పొంగిన కనులలోన నీటి తెరలే అడ్డు నిలిచె
చూసుకోమని మనసు తెలిపే మనసు మాటలు కాదుగా

రామ చక్కని సీతకీ ఆర చేత గోరింట
ఇంత చక్కని చుక్కకి ఇంక ఎవరు మొగుడంట
రామ చక్కని సీతకీ

ఇందువదన కుందరదన మందగమన భామా
ఎందువలన ఇందువదన ఇంత మదన ప్రేమా

~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~