రాజా

తారాగణం: వెంకటేష్,సౌందర్య,అబ్బాస్
గాత్రం: బాలు
సాహిత్యం: సిరివెన్నెల
సంగీతం: ఎస్.ఏ.రాజ్‌కుమార్
నిర్మాత: ఆర్.బి.చౌదరి
దర్శకత్వం: ముప్పలనేని శివ
సంస్థ: సూపర్‌గుడ్ ఫిలింస్
విడుదల: 1999




పల్లవి:


ఏదో ఒకరాగం పిలిచిందీ వేళ
ఎదలో నిదురించే కధలెన్నో కదిలేలా
ఏదో ఒకరాగం పిలిచిందీ వేళ
ఎదలో నిదురించే కధలెన్నో కదిలేలా
నా చూపుల దారులలో చిరుదీపం వెలిగేలా
నా ఊపిరి తీగలలో అనురాగం పలికేలా
జ్ఞాపకాలే మైమరపు జ్ఞాపకాలే మేల్కొలుపు
జ్ఞాపకాలే నిట్టూర్పు జ్ఞాపకాలే ఓదార్పు
ఏదో ఒకరాగం పిలిచిందీ వేళ
ఎదలో నిదురించే కధలెన్నో కదిలేలా

చరణం1:

వీచే గాలులలో నీ ఊసులు జ్ఞాపకమే
పూచే పూవ్వులలో నీ నవ్వులు జ్ఞాపకమే
తూరుపుకాంతుల ప్రతికిరణం నీ కుంకుమ జ్ఞాపకమే
తులసి మొక్కలో నీ సిరుల జ్ఞాపకం
చిలకముక్కులా నీ అలక జ్ఞాపకం

ఏదో ఒకరాగం పిలిచిందీ వేళ
ఎదలో నిదురించే కధలెన్నో కదిలేలా

చరణం2:

మెరిసే తారలలో నీ చూపులు జ్ఞాపకమే
ఎగసే ప్రతి అలలో నీ ఆశలు జ్ఞాపకమే
కోవెలలోని దీపంలా నీ రూపం జ్ఞాపకమే
పెదవిపైన నీ పేరే చిలిపి జ్ఞాపకం
మరపురాని నీ ప్రేమే మధుర జ్ఞాపకం

ఏదో ఒకరాగం పిలిచిందీ వేళ
ఎదలో నిదురించే కధలెన్నో కదిలేలా
నా చూపుల దారులలో చిరుదీపం వెలిగేలా
నా ఊపిరి తీగలలో అనురాగం పలికేలా
జ్ఞాపకాలే మైమరపు జ్ఞాపకాలే మేల్కొలుపు
జ్ఞాపకాలే నిట్టూర్పు జ్ఞాపకాలే ఓదార్పు
ఏదో ఒకరాగం పిలిచిందీ వేళ
ఎదలో నిదురించే కధలెన్నో కదిలేలా

| |