సాహిత్యం: వీటూరి
పల్లవి:
నాగమల్లి కోనలోన నక్కింది లేడికూన
నాగమల్లి కోనలోన నక్కింది లేడికూన
ఎరవేసి హ గురిచూసి హ పట్టాలి మావా
ఎరవేసి గురిచూసి పట్టాలి మావా పట్టాలి మావా
చరణం1:
చూపుల్లో కైపుంది మావా సొగసైన రూపుంది మావా
చూపుల్లో కైపుంది సొగసైన రూపుంది
వయ్యారం ఒలికిస్తుంది వన్నెలు చిన్నెలు నేర్చింది
ఓ ఉడుకుమీద ఉరికావంటే జడుసుకుంటది
దాన్ని ఒడుపుచూసి మచ్చిక చేస్తే వదలనంటది మావోయ్
నాగమల్లి కోనలోన నక్కింది లేడికూన
ఎరవేసి హ గురిచూసి హ పట్టాలి మావా పట్టాలి మావా
చరణం2:
నడకల్లో హొయలుంది మావా నాట్యంలో నేర్పుంది మావా
నడకల్లో హొయలుంది నాట్యంలో నేర్పుంది
మలిసందె చీకట్లోన నీటికి ఏటికి వస్తుంది
ఓ జాడ చూసి కాసావంటే దారికొస్తది
దాని జాలి చూపు నమ్మావంటే దగా చేస్తది మావోయ్
నాగమల్లి కోనలోన నక్కింది లేడికూన
ఎరవేసి హ గురిచూసి హ పట్టాలి మావా
ఎరవేసి గురిచూసి పట్టాలి మావా పట్టాలి మావా
~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~
No comments:
Post a Comment