ఆవారా

తారాగణం: కార్తి, తమన్నా
గాత్రం: హరిచరణ్, తన్వి
సాహిత్యం: చంద్రబోస్
సంగీతం: యువన్‌శంకర్‌రాజా
దర్శకత్వం: లింగుసామి
నిర్మాత: K.E. జ్ఞానవేల్ రాజా
సంస్థ: స్టూడియో గ్రీన్
విడుదల: 2010



పల్లవి:

చిరు చిరు చిరు చినుకై కురిశావే
మరుక్షణమున మరుగై పోయావే
నువ్వే ప్రేమబాణం నువ్వే ప్రేమకోణం
పువ్వై నవ్వగానే గాలై ఎగిరెను ప్రాణం
చెయ్ చెయ్ చెలిమిని చెయ్ అంటూ హృదయం పలికినదే
సై సై సరసకు సై అంటూ పాదం కదిలినదే
ఎదనే నీతో ఎత్తుకెళ్లావే
చిరు చిరు చిరు చినుకై కురిశావే
మరుక్షణమున మరుగై పోయావే

చరణం1:

దేవత తనే ఒక దేవత
ముఖాముఖి అందమే చూడగా ఆయువే చాలునా
గాలిలో తనే కదా పరిమళం
చెలి సఖి అనుమతే అడగక పువ్వులే పూయునా
సిగలో కురులే మేఘాలల్లే ఆడే వేళ
గుండెల్లోన మెరుపే మెరిసే చూపే మైమరచే
చెలి చెక్కిళ్లే ముద్దల్తోనే తడిమెయ్యాల
చెంగు చెంగు అడుగుల్లోన మువ్వై మది మురిసే
ఎదనే తనతో ఎత్తుకెళ్లిందే
చెయ్ చెయ్ చెలిమిని చెయ్ అంటూ హృదయం పలికినదే
సై సై సరసకు సై అంటూ పాదం కదిలినదే

చరణం2:

తోడుగా ప్రతిక్షణం వీడక
అనుక్షణం ఆమెతో సాగనా
ఆమె నా స్పందన
నేలపై పడేయక నీడనే
చకా చకా చేరనా ఆపనా గుండెలో చేర్చనా
దారం బదులు ప్రాయంతోటే కట్టేసిందే
గాయం లేక కోసేసిందే హాయిగా నవ్వేసిందే
నాలో నేను మౌనంగానే మాటాడేస్తే
మొత్తం తను వింటూ ఉందే తియ్యగా వేదిస్తుందే
ఎదనే తనతో ఎత్తుకెళ్లిందే
చెయ్ చెయ్ చెలిమిని చెయ్ అంటూ హృదయం పలికినదే
సై సై సరసకు సై అంటూ పాదం కదిలినదే

చిరు చిరు చిరు చినుకై కురిశావే
మరుక్షణమున మరుగై పోయావే
చిరు చిరు చిరు చినుకై కురిశావే
మరుక్షణమున మరుగై పోయావే

~~~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~~