ఇల్లాలు ప్రియురాలు

తారాగణం: శోభన్‌బాబు, సుహాసిని, ప్రీతి, మాస్టర్ అర్జున్
గాత్రం: బాలు
సంగీతం: చక్రవర్తి
దర్శకత్వం: ఎ. కోదండరామిరెడ్డి
నిర్మాత: జి.బాబురావు
విడుదల: 1984



పల్లవి:

ఏమని తెలిపేది నేనెవరని చెప్పేది
ఏమని తెలిపేది నేనెవరని చెప్పేది
ఈ బాలచంద్రుడికి ఈ చిన్ని కృష్ణుడికి
ఎలా ఏమని ఏమని
ఏమని తెలిపేది నేనెవరని చెప్పేది

చరణం1:

నా బాధ ఇంక తీరేనా
నా గాధ నీకు తెలిసేనా
నీ కంటి లేత కన్నీళ్ళు
నా చేతులార తుడిచేనా
మమతే మనది
ఇక నాలోన నే దాగనా
మూగవీ ఆశలు గుడ్డివీ ప్రేమలు జాలిగా చూడకు
అలా చూడకు చూడకు

ఏమని తెలిపేది నేనెవరని చెప్పేది
ఈ బాలచంద్రుడికి ఈ చిన్ని కృష్ణుడికి
ఎలా ఏమని ఏమని
ఏమని తెలిపేది నేనెవరని చెప్పేది

చరణం2:

అనుకోని ఘటన ఆనాడు
అందించె నిన్ను ఈనాడు
మా దీపమై నీవు వస్తే
ఈ కోవెలే తలుపులేసే
బ్రతుకే అలిగే ఈ బంధాల కోశారమై
సాగనీ జాతకం ఆడనీ నాటకం
జాలిగా చూడకు అలా చూడకు చూడకు

ఏమని తెలిపేది నేనెవరని చెప్పేది
ఈ బాలచంద్రుడికి ఈ చిన్ని కృష్ణుడికి
ఎలా ఏమని ఏమని

~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~