ఇది కథ కాదు

తారాగణం: జయసుధ, కమల్‌హాసన్, చిరంజీవి, శరత్‌బాబు
గాత్రం: జానకి
సాహిత్యం: ఆత్రేయ
సంగీతం: ఎం.ఎస్.విశ్వనాథన్
నిర్మాత: టి.విశ్వేశ్వరరావు
దర్శకత్వం: బాలచందర్
సంస్థ: భారత్ ఫిలింస్
విడుదల: 1979



పల్లవి:

గాలికదుపు లేదు కడలికంతు లేదు
గంగవెల్లువ కమండలంలో ఇమిడేదేనా
ఉరికేమనసుకి గిరిగీస్తే అది ఆగేదేనా
గాలికదుపు లేదు కడలికంతు లేదు
గంగవెల్లువ కమండలంలో ఇమిడేదేనా
ఉరికేమనసుకి గిరిగీస్తే అది ఆగేదేనా

చరణం1:

ఆ నింగిలో మబ్బునై పాడనా పాటలు ఎన్నో
ఈ నేలపై నెమలినై ఆడనా ఆటలు ఎన్నో
ఆ నింగిలో మబ్బునై పాడనా పాటలు ఎన్నో
ఈ నేలపై నెమలినై ఆడనా ఆటలు ఎన్నో
తుళ్ళి తుళ్ళి గంతులు వేసే లేడికేది కట్టుబాటు
మళ్ళి మళ్ళి వసంతమొస్తే మల్లెకేల ఆకుచాటు

గాలికదుపు లేదు కడలికంతు లేదు
గంగవెల్లువ కమండలంలో ఇమిడేదేనా
ఉరికేమనసుకి గిరిగీస్తే అది ఆగేదేనా

చరణం2:

ఓ తెమ్మెరా ఊపవే ఊహల ఊయల నన్ను
ఓ మల్లికా ఇవ్వవే నవ్వుల మాలిక నాకు
తల్లి మళ్ళి తరుణయ్యింది పువ్వు పూసి మొగ్గయ్యింది
గుడిని విడిచి వేరొక గుడిలో ప్రమిదనైతె తప్పేముంది

గాలికదుపు లేదు కడలికంతు లేదు
గంగవెల్లువ కమండలంలో ఇమిడేదేనా
ఉరికేమనసుకి గిరిగీస్తే అది ఆగేదేనా

~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~