సాహిత్యం: భువనచంద్ర
పల్లవి:
మరల తెలుపనా ప్రియా మరల తెలుపనా
మరల తెలుపనా ప్రియా మరల తెలుపనా
ఎదలోయల దాచుకున్న మధురోహల పరిమళాన్ని
ఎదలోయల దాచుకున్న మధురోహల పరిమళాన్ని
కనుపాపలు నింపుకున్న చిరునవ్వుల పరిచయాన్ని
మరల తెలుపనా ప్రియా మరల తెలుపనా
చరణం1:
విరబూసిన వెన్నెలలో తెర తీసిన బిడియాలని
విరబూసిన వెన్నెలలో తెర తీసిన బిడియాలని
అణువణువు అల్లుకున్న అంతులేని విరహాలని
అణువణువు అల్లుకున్న అంతులేని విరహాలని
నిదురపోని కన్నులలో పవళించు ఆశలని
చెప్పలేక చేతకాక మనసు పడే తడబాటుని
మరల తెలుపనా ప్రియా మరల తెలుపనా
చరణం2:
నిన్నలేని భావమేదో కనులు తెరిచి కలయజూసి
నిన్నలేని భావమేదో కనులు తెరిచి కలయజూసి
మాటరాని మౌనమేదో పెదవి మీద ఒదిగిపోయి
మాటరాని మౌనమేదో పెదవి మీద ఒదిగిపోయి
ఒక క్షణమే ఆవేదన మరుక్షణమే ఆరాధన
తెలియరాక తెలుపలేక మనసు పడే మధుర బాధ
మరల తెలుపనా ప్రియా మరల తెలుపనా
మరల తెలుపనా ప్రియా మరల తెలుపనా
~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~
No comments:
Post a Comment