బావామరదళ్ళు

తారాగణం : నాగేశ్వరరావు
గాత్రం:ఎస్.జానకి
రచన:ఆరుద్ర
సంగీతం: పెండ్యాల నాగేశ్వరరావు
విడుదల:1961



పల్లవి:


ఆ ఆ ఆ ఆ ఆ ఆ
నీలి మేఘాలలో గాలి కెరటాలలో
నీవు పాడే పాట వినిపించునే వేళ
నీలి మేఘాలలో

చరణం1:

ఏ పూర్వపుణ్యమో నీ పొందుగామారి
ఏ పూర్వపుణ్యమో నీ పొందుగామారి
అపురూపమై నిలచే నా అంతరంగాన

నీలి మేఘాలలో గాలి కెరటాలలో
నీవు పాడే పాట వినిపించునే వేళ
నీలి మేఘాలలో

చరణం2:

నీ చెలిమిలో నున్న నెత్తావి మాధురులు
నీ చెలిమిలో నున్న నెత్తావి మాధురులు
నా హృదయ భారమునే మరపింపజేయు
నీలి మేఘాలలో

చరణం3:

అందుకోజాలని ఆనందమే నీవు
అందుకోజాలని ఆనందమే నీవు
ఎందుకో చేరువై దూరమౌతావు

నీలి మేఘాలలో గాలి కెరటాలలో
నీవు పాడే పాట వినిపించునే వేళ
నీలి మేఘాలలో

~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~~