సంతోషీమాతా వ్రతమహత్యం

గాత్రం: బాలు,సుశీల




పల్లవి:

పువ్వు తావి వెలుగు నీడ
మీరు నేను విడిపోము
పువ్వు తావి వెలుగు నీడ
మీరు నేను విడిపోము
పదమూ భావము స్వరమూ రాగము
మనమిరువురము కలిసాము
పువ్వు తావి వెలుగు నీడ
మీరు నేను విడిపోము

చరణం1:

పైరగాలి తూగాడే పరవళ్ళ సొగసుల్లో
తిమిరాలను తొలగించు వెలుగులొలుకు కిరణాల్లో
పైరగాలి తూగాడే పరవళ్ళ సొగసుల్లో
తిమిరాల తొలగించు వెలుగులొలుకు కిరణాల్లో
నేల తల్లి ఓరిమిలో నిన్ను చూచుకున్నాను
నిన్నందిన నీ మదిలో వెన్నెలగా విరిసాను

పువ్వు తావి వెలుగు నీడ
మీరు నేను విడిపోము

చరణం2:

పురివిప్పిన నెమళ్ళలో పరువానివి నువ్వేలే
హరిచందన తరువులలో పరిమళము నీవేలే
పురివిప్పిన నెమళ్ళలో పరువానివి నువ్వేలే
హరిచందన తరువులలో పరిమళము నీవేలే
చిరుసందెలకాంతుల్లో చిరుగాలివి నీవేలే
నా మదిలో వినిపించే రాగానివి నీవేలే

పువ్వు తావి వెలుగు నీడ
మనమిరువురమూ విడిపోము

చరణం2:

శివపార్వతులము మనమో సీతారాములమో
ఏ జన్మల అనుబంధమో ఎంత పుణ్యఫలమో
శివపార్వతులము మనమో సీతారాములమో
ఏ జన్మల అనుబంధమో ఎంత పుణ్యఫలమో
ఈ లోకమునందు మనము ఎచటున్నాగాని
ఏడడుగుల మన బాసలే ఎపుడూ వినిపిస్తాయి

పువ్వు తావి వెలుగు నీడ
మనమిరువురము విడిపోము
పదమూ భావము స్వరమూ రాగము
మనమూ మనమూ కలిసాము
పువ్వు తావి వెలుగు నీడ
మనమిరువురము విడిపోము

~~~~~~~~~~~~~~~~~~~~~~~~



~~~~~~~~~~~~~~~~~~~~~~