ఆడపిల్లనమ్మ

గాత్రం: మధుప్రియ
సాహిత్యం: మధుప్రియ



పల్లవి:

ఆడపిల్లనమ్మ నేను ఆడపిల్లనాని
బాధపడకమ్మ నీవు దిగులు చెందకమ్మ
ఆడపిల్లనమ్మ నేను ఆడపిల్లనాని
బాధపడకమ్మ నీవు దిగులు చెందకమ్మ

చరణం1:

అష్టమిలో పుట్టాననీ అమ్మా జెష్టదాన్నంటున్నరా
ఈ పాడు లోకములొ అమ్మా హీనంగ చూస్తున్నరా
ఆడదని అంటున్నరా అమ్మా పాడు అని తిడుతున్నరా
అష్టమిలో పుట్టిన కృష్ణుడ్నేమో దేవుడని అంటున్నరా
నన్నేమో పాడుదని తిడుతున్నరా

ఆడపిల్లనమ్మ నేను ఆడపిల్లనాని
బాధపడకమ్మ నీవు దిగులు చెందకమ్మ

చరణం2:

పలక బలపం బట్టి అమ్మా బడికీ పోతుంటే
ఆడపిల్లయినందుకు అమ్మా సదువెందుకంటున్నరా
సదువెందుకంటున్నరా అమ్మా సందెందుకంటున్నరా
సదువుల తల్లి సరస్వతిదేవి ఆడదె కదమ్మా
నాకేమో సదువెందుకంటున్నరా

ఆడపిల్లనమ్మ నేను ఆడపిల్లనాని
బాధపడకమ్మ నీవు దిగులు చెందకమ్మ

చరణం3:

ఎదిగేటి నన్ను చూసి అమ్మా ఏడుస్తున్నావా
లక్షల కట్నాలు అమ్మా ఎట్లా ఇస్తాననీ
కడుపులోనె ఆడబిడ్డంటె అమ్మా కరగదీస్తున్నరా
ఆడబిడ్డలను వద్దనుకుంటే సృష్టికి మూలమేది
రేపేమో జగతికి మార్గమేదీ

ఆడపిల్లనమ్మ నేను ఆడపిల్లనాని
బాధపడకమ్మ నీవు దిగులు చెందకమ్మ
బాధపడకమ్మ నీవు దిగులు చెందకమ్మ
బాధపడకమ్మ నీవు దిగులు చెందకమ్మ

~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~