సాహిత్యం: సామవేదం షణ్ముఖశర్మ
పల్లవి:
సుస్వాగతం నవరాగమా
పలికిందిలే ఎద సరిగమ
ప్రియ దరహాసమా ప్రేమ ఇతిహాసమా
నీ తొలిస్పర్శలో ఇంత సుఖమైకమా
ఇది ప్రణయాలు చిగురించు శుభతరుణమా
సుస్వాగతం నవరాగమా
చరణం1:
అంతేలేని వేగంతోనె ప్రేమే వస్తుంటే
నేను ఆనకట్ట వేయలేనె ఆహ్వానిస్తుంటే
పట్టే తప్పే విరహంలోనె మునిగిపోతుంటే
ఇంక క్షేమంగనే జీవిస్తా నీ చెయ్యందిస్తుంటే
ఆ చేతులే నీకు పూలదండగా
మెడలోన వేసి నీ జంట చేరనా
నా చూపు సూత్రంగ ముడిపడగా
నాజుకు చిత్రాల రాజ్యమేలనా
మౌనమే మాని గానమై పలికె నా భావన
చరణం2:
సూరీడున్నాడమ్మ నిన్నే చూపడానికి
రేయి ఉన్నాదమ్మ తనలో నిన్నే చేరడానికి
మాట మనసు సిద్ధం నీకే ఇవ్వడానికి
నా కళ్ళు పెదవి ఉన్నాయ్ నీతో నవ్వడానికి
ఏనాడు చూసానో రూపురేఖలు
ఆనాడే రాసాను చూపులేఖలు
ఏరోజు లేవమ్మ ఇన్ని వింతలు
ఈవేళ నాముందు ప్రేమ పుంతలు
ఏడు వింతలను మించే వింత మన ప్రేమే సుమా
సుస్వాగతం నవరాగమా
పలికిందిలే ఎద సరిగమ
ప్రియ దరహాసమా ప్రేమ ఇతిహాసమా
నీ తొలిస్పర్శలో ఇంత సుఖమైకమా
ఇది ప్రణయాలు చిగురించు శుభతరుణమా
సుస్వాగతం నవరాగమా
~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~
No comments:
Post a Comment