సాహిత్యం: సీతారామశాస్త్రి
పల్లవి:
వేసంకాలం వెన్నెలాగా వానల్లో వాగుల్లాగ వయసు ఎవరికోసం
శీతాకాలం ఎండల్లాగ సంక్రాంతి పండుగలాగ సొగసు ఎవరికోసం
ఓరోరి అందగాడా నన్నేలు మన్మధుడా
నీకోసం నీకోసం నీ కోసం నీకోసం నీకోసం నీ కోసం
నీ సిగ్గుల వాకిట్లో నా ముద్దుల ముగ్గేసి
నే పండుగ చేసి సందడిలోన ఆకు వక్కా సున్నం నీ కోసం
నీకోసం నీకోసం నీకోసం నీకోసం నీ కోసం
చరణం1:
గుండె చాటుగా ఉండనందిక ఇన్నినాళ్లు దాచుకున్న కోరికా
ఉన్న పాటుగా ఆడపుట్టుకా కట్టుబాటు దాట లేదుగా
కన్నె వేడుకా విన్నవించగా అందుబాటులోనె ఉన్నానుగా
తీగచాటుగా మూగపాటగా ఆగిపోకే రాగమాలికా
నిలువెల్ల నీ జతలోనా చిగురించు లతనైరానా
కొనగోటి కొంటెతనాన నిను మీటనా చెలివీణా
అమ్మమ్మో అబ్బబ్బో
ఆముచ్చట తీరంగా నీ మెళ్లో హారంగా
నా రేకులు విచ్చే సోకులు తెచ్చి అందిస్తున్నా మొత్తం నీకోసం
నీకోసం నీకోసం నీ కోసం నీకోసం నీకోసం నీ కోసం
చరణం3:
సిగ్గుకోరిక నెగ్గలేదుగా ఏడమల్లెలెత్తు సుకుమారమా
సాయమీయక మొయలేవుగా లేత సోయగాల భారమా
కౌగిలింతగా స్వాగతించగా కోరుకున్న కొంగు బంగారమా
తాళి బొట్టుగా కాలిమెట్టెగా చేరుకోవ ప్రేమ తీరమా
మునిపంటి ముద్దరకానా చిగురింటి పెదవులపైనా
మురిపాల మువ్వనుకానా దొరగారి నవ్వులలోనా
నిద్దర్లో పొద్దుల్లో నీ వద్దకు నేనొచ్చి ఆహద్దులు దాటించి
నువ్వొద్దనలేని పద్ధతిలోనే ముద్దులెన్నో తెచ్చా నీ కోసం
నీకోసం నీకోసం నీ కోసం
నీకోసం నీకోసం నీ కోసం
వేసంకాలం వెన్నెలాగా వానల్లో వాగుల్లాగ వయసు ఎవరికోసం
శీతాకాలం ఎండల్లాగ సంక్రాంతి పండుగలాగ సొగసు ఎవరికోసం
ఓరోరి అందగాడా నన్నేలు మన్మధుడా
నీకోసం నీకోసం నీ కోసం
నీకోసం నీకోసం నీ కోసం
~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~
No comments:
Post a Comment