బుల్లెమ్మ బుల్లోడు

తారాగణం: చలం,విజయనిర్మల
గాత్రం: బాలు,సుశీల
సాహిత్యం: రాజశ్రీ
సంగీతం: సత్యం
దర్శకత్వం: నాగాంజనేయులు
నిర్మాత: చలం
సంస్థ: శ్రీ రమణచిత్ర
విడుదల: 1972





పల్లవి:

కురిసింది వాన నా గుండెలోన నీ చూపులే జల్లుగా
కురిసింది వాన నా గుండెలోన నీ చూపులే జల్లుగా
ముసిరే మేఘాలు కొసరే రాగాలు
కురిసింది వాన నా గుండెలోన నీ చూపులే జల్లుగా

చరణం1:

అల్లరి చేసే ఆశలు నాలో పల్లవి పాడేను
తొలకరి వయసు గడసరి మనసు నీ జత కోరేను
అల్లరి చేసే ఆశలు నాలో పల్లవి పాడేను
చలి గాలి వీచె గిలిగింత తోచె
కురిసింది వాన నా గుండెలోన నీ చూపులే జల్లుగా

చరణం2:

ఉరకలు వేసే ఊహలు నాలో గుసగుసలాడేను
కథలను తెలిపే కాటుక కనులు కైపులు రేపేను
ఉరకలు వేసే ఊహలు నాలో గుసగుసలాడేను
బిగువు ఇంకేల దరికి రావేల
కురిసింది వాన నా గుండెలోన నీ చూపులే జల్లుగా

~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~