గాత్రం: శ్రేయాఘోషల్
సాహిత్యం: చంద్రబోస్
సంగీతం: కీరవాణి
దర్శకత్వం: రసూల్ ఎల్లోర్
నిర్మాత: కిరణ్
సంస్థ: ఆనంది ఆర్ట్ క్రియేషన్స్
పల్లవి:
నువ్వే నా శ్వాస
మనసున నీకై అభిలాష
బ్రతుకైన నీతోనే చితికైన నీతోనే
వెతికేది నే నిన్నేనని చెప్పాలని చిన్ని ఆశ
ఓ ప్రియతమా ఓ ప్రియతమా
నువ్వే నా శ్వాస
మనసున నీకై అభిలాష
చరణం1:
పూవుల్లో పరిమళాన్ని పరిచయమే చేసావు
తారల్లో మిణుకులన్ని దోసిల్లో నింపావు
మబ్బుల్లో చినుకులన్ని మనసులోన కురిపించావు
నవ్వుల్లో నవలోకాన్ని నా ముందే నిలిపినావుగా
నీ జ్ఞాపకాలన్ని ఏ జన్మలోనైన నే మరువలేనని
నీతో చెప్పాలని చిన్ని ఆశ
ఓ ప్రియతమా ఓ ప్రియతమా
నువ్వే నా శ్వాస
మనసున నీకై అభిలాష
చరణం2:
సూర్యునితో పంపుతున్న అనురాగపు కిరణాన్ని
గాలులతో పంపుతున్న ఆరాధన రాగాన్ని
ఏరులతో పంపుతున్న ఆరాటపు ప్రవాహాన్ని
దారులతో పంపేస్తున్న అలుపెరుగని హృదయ లయలని
ఏ చోట నువ్వునా నీ కొరకు చూస్తున్నా
నా ప్రేమ సందేశం విని వస్తావని చిన్ని ఆశ
ఓ ప్రియతమా ఓ ప్రియతమా
~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~
No comments:
Post a Comment