రాజ్ కుమార్

తారాగణం:శోభన్‌బాబు,జయప్రద
గాత్రం:బాలు,పి.సుశీల
సంగీతం:ఇళయరాజా

పల్లవి:

జానకి కలగనలేదు రాముని సతి కాగలనని ఏనాడు
రాముడు అనుకోలేదు జానకి పతి కాగలనని ఆనాడు
ఆనాడు ఎవరు అనుకోనిది ఇనాడు మనకు నిజమైనది
ఆ రామాయణం మన జీవన పారాయణం
రాముడు అనుకోలేదు జానకి పతి కాగలనని ఆనాడు

చరణం1:

చెలిమనసే శివధనస్సు అయినది తొలిచూపుల వశమైనది
వలపు స్వయం వరమైనపుడు గెలువనిది ఏది
ఒక బాణం ఒక భార్యన్నది శ్రీరాముని చిరయశమైనది
శ్రీవారు ఆ వరమిస్తే సిరులన్ని నావి
తొలి చుక్కవు నీవే చుక్కనివి నీవే
తుదిదాకా నీవే మరు జన్మకు నీవే
ఆ ఆ ఆ ఆ ఆ ఆ ఆ

జానకి కలగనలేదు రాముని సతి కాగలనని ఏనాడు
రాముడు అనుకోలేదు జానకి పతి కాగలనని ఆనాడు

చరణం2:

సహవాసం మనకు నివాసం సరిహద్దు నీలాకాశం
ప్రతిపొద్దు ప్రణయావేశం పెదవులపై హాసం
సుమసారం మన సంసారం మణిహారం మన మమకారం
ప్రతిరోజు ఒక శ్రీకారం పరవశ శృంగారం
గతమంటే నీవే కధకానిది నీవే
కలలన్ని నావే కలకాలం నీవే
ఆ ఆ ఆ ఆ ఆ ఆ ఆ

రాముడు అనుకోలేదు జానకి పతి కాగలనని ఆనాడు
జానకి కలగనలేదు రాముని సతి కాగలనని ఏనాడు
ఆనాడు ఎవరు అనుకోనిది ఇనాడు మనకు నిజమైనది
ఆ రామాయణం మన జీవన పారాయణం
లాలల లలల లాలల లలల లాలల లలల లాలల లలల

| |