స్వర్ణకమలం

పల్లవి:

శివ పూజకు చివురించిన సిరి సిరి మువ్వ
శివ పూజకు చివురించిన సిరి సిరి మువ్వ
సిరి సిరి మువ్వ సిరి సిరి మువ్వ
మృదు మంజుల పద మంజరి పూచిన పువ్వా
సిరి సిరి మువ్వ సిరి సిరి మువ్వ
యతిరాజుకు జతి స్వరముల పరిమళమివ్వా
సిరి సిరి మువ్వ సిరి సిరి మువ్వ
నటనాంజలితొ బ్రతుకును తరించనీవా
సిరి సిరి మువ్వ సిరి సిరి మువ్వ

పరుగాపక పయనించవె తలపుల నావ
కెరటాలకు తల వంచితె తరగదు త్రోవ
ఎదిరించిన సుడి గాలిని జయించి రావా
మది కోరిన మధు సీమలు వరించి రావా
పరుగాపగ పయనించవె తలపుల నావ
కెరటాలకు తల వంచితె తరగదు త్రోవ

చరణం1:

పడమర పడగలపై మెరిసే తారలకై
పడమర పడగలపై మెరిసే తారలకై
రాత్రిని వరించకె సంధ్యా సుందరి
తూరుపు వేదికపై వేకువ నర్తకివై
తూరుపు వేదికపై వేకువ నర్తకివై
ధాత్రిని మురిపించె కాంతులు చిందని
నీ కదలిక చైతన్యపు శ్రీకారం కాని
నీ కదలిక చైతన్యపు శ్రీకారం కాని
నిదురించిన హృదయ రవళి ఓకారం కాని

శివ పూజకు చివురించిన సిరి సిరి మువ్వ
సిరి సిరి మువ్వ సిరి సిరి మువ్వ
మృదు మంజుల పద మంజరి పూచిన పువ్వా
సిరి సిరి మువ్వ సిరి సిరి మువ్వ

చరణం2:

తన వేళ్ళే సంకెళ్ళై కదలలేని మొక్కలా ఆ ఆ ఆ ఆ
ఆమనికై ఎదురు చూస్తు ఆగిపోదు ఎక్కడా ఆ ఆ ఆ ఆ
అవధి లేని అందముంది అవనికి నలు దిక్కులా ఆ ఆ ఆ ఆ
ఆనందపు గాలి వాలు నడపని నిన్నిలా ఆ ఆ ఆ ఆ
ప్రతి రోజొక నవ గీతిక స్వాగతించగా
వెన్నెల కిన్నెర గానం నీకు తోడుగా

పరుగాపగ పయనించవె తలపుల నావ
కెరటాలకు తల వంచితె తరగదు త్రోవ

చరణం3:

లలిత చరణ జనితం నీ సహజ విలాసం
జ్వలిత కిరణ కలితం సౌందర్య వికాసం
నీ అభినయ ఉషోదయం తిలకించిన రవి నయనం
నీ అభినయ ఉషోదయం తిలకించిన రవి నయనం
గగన సరసి హృదయంలో వికశిత శత దళ శోభల సువర్ణ కమలం

పరుగాపగ పయనించవె తలపుల నావ
కెరటాలకు తల వంచితె తరగదు త్రోవ
ఎదిరించిన సుడి గాలిని జయించి రావా
మది కోరిన మధు సీమలు వరించి రావా

స్వధర్మే మిధనం ష్రేయహ పర ధర్మో భయావహ

| |