సాహిత్యం: సుద్దాల అశోక్‌తేజ
పల్లవి:
అలనాటి రామచంద్రుడి కన్నింటా సాటి
ఆ పలనాటి బాలచంద్రుడి కన్నా అన్నిట మేటి
అలనాటి రామచంద్రుడి కన్నింటా సాటి
ఆ పలనాటి బాలచంద్రుడి కన్నా అన్నిట మేటి
అనిపించే అరుదైన అబ్బాయికి మనువండి
తెలుగింటి పాలసంద్రము కనిపెంచిన కూన
శ్రీహరి ఇంటి దీపమల్లె కనిపించిన జాణ
తెలుగింటి పాలసంద్రము కనిపెంచిన కూన
శ్రీహరి ఇంటి దీపమల్లె కనిపించిన జాణ
అటువంటి అపరంజి అమ్మాయిని కనరండడి
చందమామ చందమామ కిందికి చూడమ్మ
ఈ నేలమీది నెలరాజును చూసి నివ్వెరబోవమ్మ
వెన్నేలమ్మా వెన్నేలమ్మా వన్నెలు చాలమ్మ
మా అన్నులమిన్నకు సరిగాలేవని వెలవెలబోవమ్మ
చరణం1:
పుత్తడి బొమ్మకు పుస్తెలు కడుతూ పురుషుడి మునివేళ్లు
పచ్చని మెడపై వెచ్చగ రాసెను చిలిపి రహస్యాలు
నేలకు జారిన తారకలై ముత్యాల తలంబ్రాలు
ఇద్దరి తలపులు ముద్దగ తడిపిన తుంటరి జలకాలు
అందాల జంట అందరి కంటికి విందులు చేసే సమయాన
అందాల జంట అందరి కంటికి విందులు చేసే సమయాన
కలలకు దొరకని కలగల కంటని పదిమంది చూడండి
తళ తళ మెరిసిన ఆనందపు తడి చూపుల అక్షితలేయండి
చందమామ చందమామ కిందికి చూడమ్మ
ఈ నేలమీది నెలరాజును చూసి నివ్వెరబోవమ్మ
వెన్నేలమ్మా వెన్నేలమ్మా వన్నెలు చాలమ్మ
మా అన్నులమిన్నకు సరిగాలేవని వెలవెలబోవమ్మ
చరణం2:
సీతారాముల కళ్యాణంలా కనిపిస్తూ ఉన్నా
విరగలేదు ఆ శివుని విల్లు ఈ పెళ్ళి మంటపాన
గౌరిశంకరులేకమైన సుముహూర్తమల్లే ఉన్నా
మరగలేదు మన్మథుని ఒళ్ళు ఈ చల్లని సమయాన
దేవుళ్ళ పెళ్ళి వేడుకలైనా ఇంత ఘనంగా జరిగేనా
దేవుళ్ళ పెళ్ళి వేడుకలైనా ఇంత ఘనంగా జరిగేనా
అనుకోని కనివిని ఎరుగని పెళ్ళికి జనమంతా రారండి
తదుపరి కబురుల వివరములడగగ బంధువలంతా కదలండి
చందమామ చందమామ కిందికి చూడమ్మ
ఈ నేలమీది నెలరాజును చూసి నివ్వెరబోవమ్మ
వెన్నేలమ్మా వెన్నేలమ్మా వన్నెలు చాలమ్మ
మా అన్నులమిన్నకు సరిగాలేవని వెలవెలబోవమ్మ
~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~
No comments:
Post a Comment