ఆరాధన

పల్లవి:

ఏమౌతుందీ తన మనసుని మరచిన మనసెటు వెళుతోందీ
ఏమౌతుందీ తన ప్రాణం విడిచి దేహం వెళుతోంది
కలలన్ని కరిగాక కనులేల అంటుందీ
ఇక వెన్నెలలేని పున్నమి మిగిలింది
ఏమౌతుందీ తన మనసుని మరచిన మనసెటు వెళుతోందీ
ఏమౌతుందీ

చరణం1:

దిక్కులేని జీవం పిలుపు దిక్కులన్ని మోగింది
దిక్కుమారి పొయే వలపు మారు పలకలేకుంది
మనసు రాయి చేసుకున్న మమత ఘోష మానకుంది
కళ్ళ నీళ్ళు దాచుకున్న కలల బరువు తీరకుంది
మూగ ప్రేమ మోసబోయి మోడు బారిపొయింది
పాడుతున్న పాట మరిచి గొంతు పూడిపొయింది
శృతి తప్పింది ఈ ఈ ఈ

ఏమౌతుందీ తన ప్రాణం విడిచి దేహం వెళుతోంది
ఏమౌతుందీ తన మనసుని మరచిన మనసెటు వెళుతోందీ

చరణం2:

పూవులెన్ని పూస్తువున్న ముళ్ళు నాకు దక్కింది
పూజచేయు కోరికున్న కొవెలేమొ కూలింది
దేవిలేని కోవెలుంది దీపమేమో ఆరుతోంది
చమురు పొయు చేయి ఉంది ప్రమిద దాని కందకుంది
నన్ను చుట్టి చీకటున్న నేను కాలిపోతున్నా
వెలుగులోకి వెళుతూవున్న నెను చీకటౌతున్నా
ఇది తుది అవునా ఆ ఆ ఆ

ఏమౌతుందీ తన మనసుని మరచిన మనసెటు వెళుతోందీ
ఏమౌతుందీ తన ప్రాణం విడిచి దేహం వెళుతోంది
కలలన్ని కరిగాక కనులేల అంటుందీ
ఇక వెన్నెలలేని పున్నమి మిగిలింది
ఏమౌతుందీ తన మనసుని మరచిన మనసెటు వెళుతోందీ
ఏమౌతుందీ

ఆరాధన

గాత్రం:బాలు,జానకి
సాహిత్యం:వేటూరి


పల్లవి:

తీగనై మల్లెలు పూచిన వేళ
ఆగనా అల్లనా పూజకో మాల
మనసు తెర తీసినా మోమాటమేనా
మమత కలబోసినా మాట కరువేనా
తీగనై మల్లెలు పూచిన వేళ
ఆగనా అల్లనా పూజకో మాల


చరణం1:

తెలిసి తెలియందా ఇది తెలియక జరిగిందా
ఎపుడో జరిగిందా అది ఇపుడే తెలిసిందా ఆ ఆ
ఆశ పడ్డ అందుతుందా అర్హతైనా వుందా
అందుకున్నా పొందికుందా పొత్తుకుదిరేదా
ప్రేమకన్న పాశముందా పెంచుకుంటే దోషమందా
పెంచుకుంటే తీరుతుందా పంచుకుంటే మరిచేదా


చరణం2:

కలలో మెదిలిందా ఇది కధలో చదివిందా ఆ ఆ
మెరుపై మెరిసిందా అది వలపై కురిసిందా
రాసివుంటే తప్పుతుందా తప్పు నీదౌనా
మారమంటే మారుతుందా మాసిపోతుందా
చేసుకున్న పున్నెముందా చేరుకొనే దారివుందా
చేదుకొనే చేయి వుందా చేయి చేయి కలిసేనా

తీగనై మల్లెలు పూచిన వేళ
ఆగనా అల్లనా పూజకో మాల
మనసు తెర తీసినా మోమాటమేనా
మమత కలబోసినా మాట కరువేనా
తీగనై మల్లెలు పూచిన వేళ
ఆగనా అల్లనా పూజకో మాల

| |

ఆరాధన

తారాగణం:చిరంజీవి,రాజశేఖర్,సుహాసిని,రాధిక
గాత్రం:బాలు,జానకి
సాహిత్యం:వేటూరి
సంగీతం:ఇళయరాజా
దర్శకత్వం:భారతీరాజా
నిర్మాత:అల్లు అరవింద్
సంస్థ:గీతా ఆర్ట్స్
విడుదల:1987



పల్లవి:

అరె ఏమైందీ అరె ఏమైందీ
అరె ఏమైందీ ఒక మనసుకు రెక్కలొచ్చి ఎక్కడికొ ఎగిరిందీ
అది ఏమైందీ తన మనిషిని వెదుకుచు ఇక్కడొచ్చి వాలిందీ
కలగాని కలయేదో కళ్ళెదుటే నిలిచిందీ
అది నీలో మమతను నిద్దురలేపింది
ఆ ఆ ఆ
అరె ఏమైందీ ఒక మనసుకు రెక్కలొచ్చి ఎక్కడికొ ఎగిరిందీ
అది ఏమైందీ

చరణం1:

నింగివంగి నేలతోటీ నేస్తమేదో కోరిందీ
నేల పొంగి నింగికోసం పూలదోసిలిచ్చింది
పూలు నేను చూడలేదు పూజలేవి చేయలేదు
నేలపైన కాళ్ళులేవు నింగి వైపు చూపులేదు
కన్నెపిల్ల కళ్ళలోకి ఎన్నడైన చూశావో
కానరాని గుండెలోకి కన్నమేసి వచ్చావో
అది దోచావో ఓ ఓ ఓ
లలలలలా లలల ల ల ల ల ల ల ల ల లలలలా

చరణం2:

బీడులోన వాన చినుకు పిచ్చిమొలక వేసింది
పాడలేని గొంతులోన పాటా ఏదొ పలికింది
గుండె ఒక్కటున్న చాలు గొంతు తానె పాడగలదు
మాటలన్ని దాచుకుంటే పాట నీవు వ్రాయగలవు
రాతరాని వాడి రాత దేవుడేమి వ్రాసాడో
చేతనైతె మార్చి చూడు వీడు మారిపోతాడు
మనిషౌతాడు ఉ ఉ ఉ

అరె ఏమైందీ ఒక మనసుకు రెక్కలొచ్చి ఎక్కడికొ ఎగిరిందీ
అది ఏమైందీ తన మనిషిని వెదుకుచు ఇక్కడొచ్చి వాలిందీ
కలగాని కలయేదో కళ్ళెదుటే నిలిచిందీ
అది నీలో మమతను నిద్దురలేపింది
అరె ఏమైందీ ఒక మనసుకు రెక్కలొచ్చి ఎక్కడికొ ఎగిరిందీ
అది ఏమైందీ

| |