చదువుకున్న అమ్మాయిలు

గాత్రం:సుశీల
సాహిత్యం:దాశరధి





పల్లవి:

ఒ ఒ ఓ అహ ఆ
వినిపించని రాగాలే కనిపించని అందాలే
అలలై మదినే తలచే కలలో ఎవరో పిలిచే
వినిపించని రాగాలే

చరణం1:

తొలి చూపులు నాలోనే వెలిగించే దీపాలే
తొలి చూపులు నాలోనే వెలిగించే దీపాలే
చిగురించిన కోరికలే చిలికించెను తాపాలే
వలచి మనసే మనసే
వినిపించని రాగాలే

చరణం2:

వలపే వసంతములా పులకించి పూచినది
వలపే వసంతములా పులకించి పూచినది
చెలరేగిన తెమ్మరలే గిలిగింతలు రేపినవి
విరిసే వయసే వయసే
వినిపించని రాగాలే

చరణం3:

వికసించెను నా వయసే మురిపించు ఈ సోగసే
విరితేనెల వెన్నెలలో కోరతేదో కనిపించే
ఎదలో ఎవరో మెరిసే
వినిపించని రాగాలే కనిపించని అందాలే
అలలై మదినే తలచే కలలో ఎవరో పిలిచే
వినిపించని రాగాలే

| |