పెద్దమనుషులు

గాత్రం:ఘంటసాల


పల్లవి:

నందామయ గురుడ నందామయ ఆనందదేవికి నందామయ
నందామయ గురుడ నందామయ ఆనందదేవికి నందామయ

చరణం1:

స్వాతంత్రయుద్ధాన జయభేరి మోగించి
శాంతమూర్తులు అంతరించారయ
స్వాతంత్ర గౌరవము సంతలో తెగనమ్ము
స్వార్ధమూర్తులు అవతరించారయ
వారు వీరౌతారు వీరు వారౌతారు
మిట్ట పల్లాలేకమౌతాయయ
తూరుపుదిక్కున తోకచుక్కపుట్టి పెద్దఘటములకెసరు పెట్టేనయ
నందామయ గురుడ నందామయ ఆనందదేవికి నందామయ

చరణం2:

కనకాద్రి శికరాన శునకమ్ము సింహమై
ఏడు దీవుల రాజ్యమేలేనయ
గుళ్ళు మింగేవాళ్ళు,నోళ్ళు కొట్టేవాళ్ళు
ఊళ్ళో చెలామణి అవుతారయ
నందామయ గురుడ నందామయ ఆనందదేవికి నందామయ

చరణం3:

అ ఆ లు రానట్టి అన్నయ్యలందరికి
అధికార యోగమ్ము పడుతుందయ
కుక్క తోక పట్టి గోదావరీదితే
కోటిపల్లికాడ తేలేరయ
నందామయ గురుడ నందామయ ఆనందదేవికి నందామయ

చరణం4:

గొర్రెలను తినువాడు గోవింద కొడతాడు
బర్రెలను తినువాడు వస్తాడయ
పగలె చుక్కలనింక మొలిపించునంటాడయ
నగుబాట్లుబడి తోక ముడిచేనయ
నందామయ గురుడ నందామయ ఆనందదేవికి నందామయ

చరణం5:

దుక్కి దున్నేవాడు భూమి కామందౌచు దొరబాబువలె చలాయిస్తాడయ
అద్దెకుండేవాడు ఇంటి కామందునని ఆందోళనము లేవదీస్తాడయ
అంబూరుకాడ ఆటంబాంబు బ్రద్దలై తొంబ తొంబగ జనులు చచ్చేరయ
తిక్క శంకర స్వామి చెప్పింది నమ్మితే చిక్కులన్ని తీరిపోతాయయ
నందామయ గురుడ నందామయ ఆనందదేవికి నందామయ

| |