సూర్యవంశం

గాత్రం:బాలు,చిత్ర



పల్లవి:

కిలకిల నవ్వే కోయిల కోసం వచ్చింది మధుమాసం
మిలమిల మెరిసే చంద్రుడి కోసం తెర తీసెను సాయంత్రం
జోలగ లాలించగ నీ నీడ దొరికింది
కమ్మగ కలలీయగ నీ తోడు నాకుంది
ఎద విల్లును వంచినవాడే నీరాముడు అన్నది మనసే
గుడి తలుపులు తీయక ముందే వరమిచ్చెను దేవత ఎదురై
నీవే ఆ చెలి ,నిజమేనా జాబిలి
కిలకిల నవ్వే కోయిల కోసం వచ్చింది మధుమాసం

చరణం1:

ఎదురుచూపులో ఇంత తీపని తెలయలేదు మునుపు
ఎదురుచూడని ఇంత హాయిని మరిచిపోదు మనసు
ఒదిగివుండి నీ వాకిటిలో బదులుకోరి నే నిలుచున్నా
దారి తెలియని చీకటిలో వెలుగుచూసి కాదంటానా
ఊరించే ఇది ఏ మాసం
ప్రేమించే ప్రతి గుండెను అందెల సందడి చేసే హేమంతం ఇది
మన సొంతం అయినది

కిలకిల నవ్వే కోయిల కోసం వచ్చింది మధుమాసం
మిలమిల మెరిసే చంద్రుడి కోసం తెర తీసెను సాయంత్రం

చరణం2:

మావితోట మగ పెళ్ళివారికి విడిది అంది చిలక
మనువు ముందరె మంతనాలకి కదిలె గోరువంక
జాబిలమ్మని జాజులతో తరలిరమ్మని అందామా
పేద మనసుకి పెళ్ళంటే అతిధులెవ్వరు రారమ్మ
నీకన్నా సిరులా మిన్న
ఓ మైనా మన మనువులు మెచ్చిన మనసులు పెట్టిన సుముహూర్తం ఇది
వధువై రానా మరి

కిలకిల నవ్వే కోయిల కోసం వచ్చింది మధుమాసం
మిలమిల మెరిసే చంద్రుడి కోసం తెర తీసెను సాయంత్రం
జోలగ లాలించగ నీ నీడ దొరికింది
కమ్మగ కలలీయగ నీ తోడు నాకుంది
ఎద విల్లును వంచినవాడే నీరాముడు అన్నది మనసే
గుడి తలుపులు తీయక ముందే వరమిచ్చెను దేవత ఎదురై
నీవే ఆ చెలి ,నిజమేనా జాబిలి

| |