పరుగు

తారాగణం: అల్లు అర్జున్,షీలా,ప్రకాష్‌రాజ్
గాత్రం: సాకేత్
సాహిత్యం: అనంత్ శ్రీరాం
సంగీతం: మణిశర్మ
దర్శకత్వం: భాస్కర్
నిర్మాత: దిల్ రాజు
సంస్థ: శ్రీవెంకటేశ్వర క్రియేషన్స్
విడుదల: 2008




పల్లవి:

నమ్మవేమోగానీ అందాల యువరాణి
నేలపై వాలింది నా ముందే విరిసింది
నమ్మవేమోగానీ అందాల యువరాణి
నేలపై వాలింది నా ముందే విరిసింది
అందుకే అమాంతం నా మది
అక్కడే నిశ్శబ్ధం అయినది
ఎందుకో ప్రపంచం అన్నది
ఇక్కడే ఇలాగే నాతో ఉంది
నిజంగా కళ్ళతో వింతగా మంత్రమేసింది
అదేదో మాయలో నన్నిలా ముంచివేసింది
నిజంగా కళ్ళతో వింతగా మంత్రమేసింది
అదేదో మాయలో నన్నిలా ముంచివేసింది

చరణం1:

నవ్వులు వెండిబాణాలై నాటుకుపోతుంటే
చెంపలు కెంపునాణాలై కాంతిని ఇస్తుంటే
చూపులు తేనె దారాలై అల్లుకుపోతుంటే
రూపము ఈడు భారాలై ముందర నించుంటే
ఆ సోయగాన్నే నే చూడగానే
ఓ రాయిలాగా అయ్యాను నేనే
అడిగ పాదమును అడుగువేయమని కదలలేదు తెలుసా

నిజంగా కళ్ళతో వింతగా మంత్రమేసింది
అదేదో మాయలో నన్నిలా ముంచివేసింది
నిజంగా కళ్ళతో వింతగా మంత్రమేసింది
అదేదో మాయలో నన్నిలా ముంచివేసింది

చరణం2:

వేకువలోన ఆకాశం ఆమెను చేరింది
ఓ క్షణమైనా అధరాల రంగును ఇమ్మంది
వేసవి పాపం చలివేసి ఆమెను వేడింది
శ్వాసలలోన తలదాచి జాలిగా కూర్చుంది
ఆ అందమంతా నా సొంతమైతే
ఆనందమైన వందేళ్ళు నావే
కలల తాకిడిని మనసు తాళదిక వెతికి చూడు చెలినే

నిజంగా కళ్ళతో వింతగా మంత్రమేసింది
అదేదో మాయలో నన్నిలా ముంచివేసింది

~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~