సూర్యవంశం

తారాగణం:వెంకటేష్,రాధిక,మీనా,సంఘవి
గాత్రం:బాలు,సుజాత
సాహిత్యం:సిరివెన్నెల
సంగీతం:ఎస్.ఏ.రాజ్‌కుమార్
నిర్మాత:ఆర్.బి.చౌదరి
దర్శకత్వం:భీమినేని శ్రీనివాసరావు
సంస్థ:సూపర్‌గుడ్ ఫిలింస్
విడుదల:1998



పల్లవి:

చుక్కలన్ని ముగ్గులై పక్కుమన్న ముంగిలి కళ్ళ ముందు కదిలి చూపించె మంచి మజిలి
ప్రతి పూట పూల బాటగ సుమస్వాగతాలు పాడగ
స్వప్నసీమ చూద్దాం జత జైత్రయాత్ర చేద్దాం
చుక్కలన్ని ముగ్గులై పక్కుమన్న ముంగిలి కళ్ళ ముందు కదిలి చూపించె మంచి మజిలి

చరణం1:

నువ్వే తోడుగ ఉండే జీవితం నిటూర్పు జాడేలేని నిత్యనూతనం
నువ్వే నీడగ పంచే స్నేహితం హేమంతం రానే రాని చైత్ర నందనం
ఎండల్లో చిందే చెమట అమృతం పోయగ గుండెల్లో నమ్మకాన్ని పెంచుదామ
నిందల్లో నిష్టురాలే నిప్పులే కాంతిగా రేపట్లో అదృష్టాన్ని పోల్చుకోమా
నడిరేయి చేరనీయక సుర్యదీపముంది మన దారి చూపుతోంది
చుక్కలన్ని ముగ్గులై పక్కుమన్న ముంగిలి కళ్ళ ముందు కదిలి చూపించె మంచి మజిలి

చరణం2:

అన్ని రోజులు సన్నజాజులై అందంగ అల్లుకుందాం చిన్ని మందిరం
నిన్న ఊహలే నేటి ఊయలై గాడంగ పెంచుకుందాం స్నేహ బంధనం
రంగేలి సంతోషాల చందనం చల్లుతూ ఈ గాలి అందుకుంది కొత్త జీవితం
ఉంగాల సంగీతాల రాగమే పాడుతు సాగాలి సూర్యవంశ సుప్రభాతం
అంచుదాటు అమృతం పంచుతోంది నిత్యం మన ప్రేమ పారిజతం

చుక్కలన్ని ముగ్గులై పక్కుమన్న ముంగిలి కళ్ళ ముందు కదిలి చూపించె మంచి మజిలి
ప్రతి పూట పూల బాటగ సుమస్వాగతాలు పాడగ
స్వప్నసీమ చూద్దాం జత జైత్రయాత్ర చేద్దాం
చుక్కలన్ని ముగ్గులై పక్కుమన్న ముంగిలి
లాలలాల్ల లల లాలలాల్ల..

| |