యువరత్న రాణా

తారాగణం: బాలకృష్ణ , హీరా
గాత్రం: బాలు,చిత్ర
సంగీతం: కోటి
దర్శకత్వం : ఎ.కోదండరామిరెడ్డి
నిర్మాణ సంస్థ : ఋగ్వేద క్రియెషన్స్
విడుదల: 1998



పల్లవి:

మా కళ్యాణ సీతని కన్నులార చూడరండి
మా బంగారు తల్లిని దీవించి వెళ్ళరండి
జానకమ్మ చెయ్యిపట్టు జాన ఇంక ఎవ్వరంట రఘురాముడే
లక్షణాల లక్ష్మిదేవినింట పెట్టుకున్నవాడు మహావిష్ణువే
చల్లరో చల్లరో జాజిపూల చందనాలు
మల్లె పూబంతుల మంగళాలు
మా కళ్యాణ సీతని కన్నులార చూడరండి
మా బంగారు తల్లిని దీవించి వెళ్ళరండి

చరణం1:

పుణ్యరేఖ నీవులే పుట్టినింటివారికి
తులసికోట నీదిలే మెట్టినింటి పూజకి
పేరు నిల్పవమ్మ ప్రేమ కల్పవల్లివై
ఇల్లు నిల్పవమ్మ పిల్లపాప తల్లివై
కుంకుమ పువ్వుల శోభలతో
గుండెను దాటిన ఆశలతో
కొంగుపట్టి కోరుకున్న అన్నగారి దీవెన అదే చాలుగా

చల్లరో చల్లరో జాజిపూల చందనాలు
మల్లె పూబంతుల మంగళాలు
మా కళ్యాణ సీతని కన్నులార చూడరండి
మా బంగారు తల్లిని దీవించి వెళ్ళరండి

చరణం2:

కృష్ణవేణి వాల్జడ కనకదుర్గ వేయగ
గౌతమంత చీరగా కట్టుకోవె సీతగా
వెలిగిపోగదమ్మ వెన్నెలింటి జాబిలై
మసలుకోగదమ్మ మగని తోడు నీడవై
ఊహలకందని సిగ్గులతో
ఊయల కోరిన ఉగ్గులతో
మచ్చలేని చందమామ మేనమామ పోలికై ఒడే చేరగా


మా కళ్యాణ సీతని కన్నులార చూడరండి
మా బంగారు తల్లిని దీవించి వెళ్ళరండి
జానకమ్మ చెయ్యిపట్టు జాన ఇంక ఎవ్వరంట రఘురాముడే
లక్షణాల లక్ష్మిదేవినింట పెట్టుకున్నవాడు మహావిష్ణువే

~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~