గాత్రం: వాణీజయరాం
పల్లవి:
విధిచేయు వింతలన్నీ మతిలేని చేతలేనని
విరహాన వేగిపోయి విలపించే కధలు ఎన్నో
విధిచేయు వింతలన్నీ మతిలేని చేతలేనని
విరహాన వేగిపోయి విలపించే కధలు ఎన్నో
విలపించే కధలు ఎన్నో
చరణం1:
ఎదురు చూపులు ఎదను పిండగా ఏళ్ళు గడిపెను శకుంతల
విరహ బాధను మరచి పోవగా నిదుర పోయెను ఉర్మిళ
అనురాగమే నిజమని మనసొకటి దాని ఋజువనీ
తుది జయము ప్రేమదేనని బలి అయినవి బ్రతుకులెన్నో
విధిచేయు వింతలన్నీ
చరణం2:
వలచి గెలిచి కలలు పండిన జంట లేదీ ఇలలో
కులము మతమో ధనము బలమో గొంతు కోసెను తుదిలో
అది నేడు జరుగ రాదని ఎడడబాసి వేచినాము
మన గాధె యువతరాలకు కావాలి మరో చరిత్ర
కావాలి మరో చరిత్ర
~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~
No comments:
Post a Comment