సంబరం

తారాగణం:నితిన్,నికిత
సంగీతం & గాత్రం: ఆర్.పి.పట్నాయక్
సాహిత్యం: సిరివెన్నెల
సంస్థ: చిత్రం మూవీస్
దర్శకత్వం: దశరథ్
విడుదల: 2003



పల్లవి:

ఎందుకే ఇలా గుండెలోపల ఇంత మంట రేపుతావు అందని కల
అన్ని వైపులా అల్లుకోకిల ఆగనీక సాగనీక ఎన్నాళ్ళిలా
వెంటాడుతు వేదించాల మంటై నను సాదించాలా
కన్నీటిని కురిపించాల జ్ఞాపకమై రగిలించాలా
మరుపన్నదే రానియ్యవా దయలేని స్నేహమా
ఎందుకే ఇలా గుండెలోపల ఇంత మంట రేపుతావు అందని కల
అన్ని వైపులా అల్లుకోకిల ఆగనీక సాగనీక ఎన్నాళ్ళిలా

చరణం1:

తప్పదని నిను తప్పుకొని వెతకాలి కొత్త దారి
నిప్పులతో మది నింపుకొని బతకాలి బాటసారి
జంటగా చితిమంటగా గతమంత వెంట ఉందిగా
ఒంటిగ నన్నెన్నడు వదిలుండనందిగా
నువ్వు నీ చిరునవ్వు చేరని చోటే కావాలి
ఉందో లేదో ఈ లోకంలో నీకే తెలియాలి
ఎందుకే ఇలా గుండెలోపల ఇంత మంట రేపుతావు అందని కల
అన్ని వైపుల అల్లుకోకిల ఆగనీక సాగనీక ఎన్నాళ్ళిలా

చరణం2:

ఆపకిలా ఆనాటి కల అడుగడుగు కూలిపోదా
రేపకిలా కన్నీటి అల ఏ వెలుగు చూడనీక
జన్మలో నువ్వులేవని ఇకనైన నన్ను నమ్మనీ
నిన్నలో వదిలేయని ఇన్నాళ్ళ ఆశని
చెంతే ఉన్నా సొంతం కావని నిందించే కన్నా
నన్నే నేను వైవేసుకొని దూరం అవుతున్నా

ఎందుకే ఇలా గుండెలోపల ఇంత మంట రేపుతావు అందని కల
అన్ని వైపుల అల్లుకోకిల ఆగనీక సాగనీక ఎన్నాళ్ళిలా

| |