పందెం కోడి

తారాగణం: విశాల్, మీరా జాస్మిన్
గాత్రం: రఘు కుంచె, నాగసాహితి
సాహిత్యం: వెన్నెలకంటి
సంగీతం: యువన్ శంకర్ రాజా
నిర్మాత: విక్రం కృష్ణ
దర్శకత్వం: లింగుసామి
సంస్థ: జి.కె.ఫిలిం కార్పోరేషన్
విడుదల: 2006



పల్లవి:

ఓణి వేసిన దీపావళి వచ్చెను నా ఇంటికి
చూపులతో కైపులనే తెచ్చెను నా కంటికి
ఆటే దాగుడుమూత
తన పాటే కోయిల కూత
మనసే మల్లెల పూత
ఆ పరువం దోచుకుపోతా
రేయి ఏదో పగలు ఏదో తెలియలేదులే
ఈ హాయిలోన మనసు నేడు కరిగిపోయెలే
ముచ్చట ముచ్చట ముద్దూముచ్చట ఆడుకోవాలి
అచ్చికబుచ్చికలాడుకుంటు కలుసుకోవాలి
వెచ్చగ వెచ్చగ వయసు విచ్చెను
పుచ్చుకుపోరా కమ్మగా
రేయి ఏదో పగలు ఏదో తెలియలేదులే
ఈ హాయిలోన మనసు నేడు కరిగిపోయెలే

చరణం1:

అందమిది అందమిది వచ్చే పందెంకోడిలా
పొంగినది పొంగినది పచ్చి పాల ఈడులా
సందెపొద్దు వేళలోన సన్నజాజి పువ్వులా
అందమంత ఆరబోసి నీకు హారతివ్వనా
వచ్చే వచ్చే వలపే నా మనసులోని పులుపే
ఆశ పడ్డ తలపే నా ఎదలో మోజు తెలిపే
ఇంతకుమించి ఇంతకుమించి ఏదో ఉందిలే
కలికి కులుకు తళుకుబెళుకులొలుకుతున్నాది
ఆ చిలక బుగ్గ మొలక మొగ్గ విచ్చుకున్నాది

చరణం2:

కన్నె ఇది కన్నె ఇది కన్ను కొట్టమన్నది
వన్నె ఇది వన్నె ఇది వెన్ను తట్టమన్నది
పరికిణి కట్టుకు వచ్చెను పరువాల జాబిల్లి
పదునైన సోకుగని ఎదకేదో ఆకలి
కనులు పాడే జోల ఇది దేవలోకబాల
కలలు కనే వేళ ఇది కలువపూల మాల
ఏటవాలు చూపులేసి లాగింది నా గుండెని
కంది చేను చాటుకొస్తే కలుసుకుంటాలే
ఈ అందగాడి ఆశలన్ని తెలుసుకుంటాలే

ఓణి వేసిన దీపావళి వచ్చెను నా ఇంటికి
చూపులతో కైపులనే తెచ్చెను నా కంటికి
ఆటే దాగుడుమూత
తన పాటే కోయిల కూత
మనసే మల్లెల పూత
ఆ పరువం దోచుకుపోతా
ముచ్చట ముచ్చట ముద్దూముచ్చట ఆడుకోవాలి
అచ్చికబుచ్చికలాడుకుంటు కలుసుకోవాలి
వెచ్చగ వెచ్చగ వయసు విచ్చెను
పుచ్చుకుపోరా కమ్మగా
రేయి ఏదో పగలు ఏదో తెలియలేదులే
ఈ హాయిలోన మనసు నేడు కరిగిపోయెలే
రేయి ఏదో పగలు ఏదో తెలియలేదులే
ఈ హాయిలోన మనసు నేడు కరిగిపోయెలే

~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~~