గాత్రం: బాలు,చిత్ర
సాహిత్యం: సిరివెన్నెల సీతారామశాస్త్రి
సంగీతం: దేవిశ్రీ ప్రసాద్
నిర్మాత: ఎం.ఎస్.రాజు
దర్శకత్వం: ప్రభుదేవా
సంస్థ: సుమంత్ ఆర్ట్ ప్రొడక్షన్స్
విడుదల: 2006
పల్లవి:
మువ్వలా నవ్వకలా ముద్ద మందారమా
మువ్వలా నవ్వకలా ముద్ద మందారమా
ముగ్గులో దించకిలా ముగ్ధ సింగారమా
నేలకే నాట్యం నేర్పావే నయగారమా
గాలికే సంకెళ్ళెసావే
నన్నిలా మార్చగల కళ నీ సొంతమా
ఇది నీ మాయ వల కాదని అనకుమా
ఆశకే ఆయువు పోసావే మదుమంత్రమా
రేయికే రంగులు పూశావే
చరణం1:
కలిసిన పరిచయం ఒక రోజే కదా
కలిగిన పరవశం యుగముల నాటిదా
కళ్ళతో చూసే నిజం నిజం కాదేమో
గుండెలో ఏదో ఇంకో సత్యం ఉందేమో
నన్నిలా మార్చగల కళ నీ సొంతమా
ఇది నీ మాయ వల కాదని అనకుమా
నేలకే నాట్యం నేర్పావే నయగారమా
గాలికే సంకెళ్ళేసావే
చరణం2:
పగిలిన బొమ్మగా మిగిలిన నా కథ
మరి ఒక జన్మగా మొదలవుతున్నదా
పూటకో పుట్టుక ఇచ్చే వరం ప్రేమేగా
మనలో నిత్యం నిలిచే ప్రాణం తనేగా
మువ్వలా నవ్వకలా ముద్ద మందారమా
ముగ్గులో దించకిలా ముగ్ధ సింగారమా
ఆశకే ఆయువు పోసావే మధుమంత్రమా
రేయికే రంగులు పూశావే
~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~
No comments:
Post a Comment