మూగ మనసులు

గాత్రం: ఘంటసాల,సుశీల
సాహిత్యం: కొసరాజు



పల్లవి:

హెయ్ గౌరమ్మా నీ మొగుడెవరమ్మా
ఎవరమ్మా వాడెవరమ్మా
గౌరమ్మా నీ మొగుడెవరమ్మా

చరణం1:

సెప్పాలంటే సిగ్గు కదయ్యా
ఆనవాళ్ళు నే సెబుతానయ్య
సెప్పు సెప్పు
సిగలో నెలవంక మెడలో నాగరాజు
సిగలో నెలవంక మెడలో నాగరాజు
ఆ రేడు నావాడు సరిరారు వేరెవరు

మావయ్యా నా మొగుడెవరయ్యా
ఎవరయ్యా వేరెవరయ్యా
మావయ్యా నా మొగుడెవరయ్యా

చరణం2:

ఇల్లు వాకిలి లేనీవాడులే నీ వాడు లేనీవాడు
బిచ్చమెత్తుకొని తిరిగేవాడు మాతా కాళం
ఇల్లు వాకిలి లేనీవాడులే నీ వాడు లేనీవాడు
ఎగుడు దిగుడు కన్నులవాడు జంగందేవర నీ వాడా

గౌరమ్మా నీ మొగుడెవరమ్మా
ఎవరమ్మా వాడెవరమ్మా
గౌరమ్మా నీ మొగుడెవరమ్మా

చరణం3:


ఆకశమే ఇల్లు లోకమే వాకిలి అవును
బిచ్చమడిగేది భక్తి బదులు ఇచ్చేది ముక్తి
బిచ్చమడిగేది భక్తి బదులు ఇచ్చేది ముక్తి
బేసికన్నులే లేకుంటేను బెంబేలెత్తును ముల్లోకాలు

మావయ్యో నా మొగుడెవరయ్యా
ఎవరయ్యా వేరెవరయ్యా
మావయ్యా నా మొగుడెవరయ్యా

చరణం4:

మొగుడు మొగుడని మురిసావే కులికావే పొగిడావే
మొగుడు మొగుడని మురిసావే కులికావే పొగిడావే
పిల్లోయ్ నెత్తిని ఎవరినో ఎత్తుకొని నిత్యం దానినే కొలుసునట
అదియే ఆతని ఆలియట కోతలు ఎందుకు కోస్తావే
కోతలు ఎందుకు కోస్తావే

గౌరమ్మా నీ మొగుడెవరమ్మా
ఎవరమ్మా వాడెవరమ్మా
గౌరమ్మా నీ మొగుడెవరమ్మా

చరణం5:

ఎవరో పిలిస్తె వచ్చింది ఎవరికోసమో పొతొంది
మయాన మజిలీ ఏసింది మయాన మజిలీ ఏసింది
సగం దేహమై నేనుంటే అది పెళ్ళామంటే చెల్లదులే
సగం దేహమై నేనుంటే అది పెళ్ళామంటే చెల్లదులే
పళ్ళు పదారు రాలునులే
పళ్ళు పదారు రాలునులే

మావయ్యో నా మొగుడెవరయ్యా
ఎవరయ్యా వేరెవరయ్యా
గౌరమ్మా నీ మొగుడెవరమ్మా
మావయ్యా గౌరమ్మా
మావయ్యా గౌరమ్మా

| |