పల్లవి:
వేషము మార్చెను... హుయ్
భాషను మార్చెను... హుయ్
మోసము నేర్చెన్....ఊ ఊ ఊ
అసలు తానే మారెను...
అయినా మనిషి మారలేదు ఆతని మమత తీరలేదు
మనిషి మారలేదు ఆతని మమత తీరలేదు
చరణం 1:
క్రూరమృగమ్ముల కోరలు తీసెను ఘోరారణ్యములాక్రమించెను
క్రూరమృగమ్ముల కోరలు తీసెను ఘోరారణ్యములాక్రమించెను
హిమాలయముపై జండా పాతెను
హిమాలయముపై జండా పాతెను
ఆకాశంలో షికారు చేసెను
అయినా మనిషి మారలేదు ఆతని కాంక్ష తీరలేదు
చరణం 2:
పిడికిలి మించని హృదయములో కడలిని మించిన ఆశలు దాచెను
పిడికిలి మించని హృదయములో కడలిని మించిన ఆశలు దాచెను
వేదికలెక్కెను వాదము చేసెను
వేదికలెక్కెను వాదము చేసెను
త్యాగమె మేలని బోధలు చేసెను
అయినా మనిషి మారలేదు ఆతని బాధ తీరలేదు
వేషమూ మార్చెను భాషనూ మార్చెను
మోసము నేర్చెను తలలే మార్చెను...
అయినా మనిషి మారలేదు ఆతని మమత తీరలేదు
ఆ...ఆహహాహాహ ఆహాహహా...
ఓ... ఓహొహోహోహో ఓహోహొహో
|
No comments:
Post a Comment