పల్లవి:
డుం డుమారే డుం డుమారే పిల్ల పెళ్ళి ఛాంగు భళారే భళారే
జం జమారే జం జమారే శివుడి పెళ్ళి ఛాంగు భళారే భళారే
అళగరు పెరుమాళు అందాల చెల్లెలా మిలమిలలాడే మీనాక్షీ
నీ కంటి పాపనే కాచుకో చల్లగా తెలతెలవారనీ ఈ రాత్రీ
చిందెయ్యరా ఓ సుందరా శ్రీగౌరికే బొట్టు పెట్టేయరా
చిందెయ్యరా ఓ సుందరా శ్రీగౌరికే బొట్టు పెట్టేయరా
తందాననా తాళాలతో గండాలు మాకు తప్పించరా
నీ పెళ్ళికి పేరంటమే ఊరేగవే ఊరంతా
కళ్యాణమే వైభోగమే కన్నార్పకే కాసంత
డుం డుమారే డుం డుమారే పిల్ల పెళ్ళి ఛాంగు భళారే భళారే
జం జమారే జం జమారే శివుడి పెళ్ళి ఛాంగు భళారే భళారే
చరణం1:
మధురాపురికే రాచిలక రాలేనులే
పెళ్ళి పందిళ్ళలో ముగ్గేసిన పన్నీటి ముత్యాలెన్నో
కను చేపలకు నిదరంటు రారాదని
కరగెత్తానులే ఆడానులే గంగమ్మ నాట్యాలెన్నో
గుడిలో కోలాటం గుండెలో ఆరాటం
ఎదలో మొదలాయే పోరాటమే
అళగరు పెరుమాళు అందాల చెల్లెలా మిలమిలలాడే మీనాక్షీ
నీ కంటి పాపనే కాచుకో చల్లగా తెలతెలవారనీ ఈ రాత్రీ
చరణం2:
అతిసుందరుడే సొదరుడే తోడు ఉండగా
తల్లి నీ కాపురం శ్రీ గోపురం తాకాలి నీలాకాశం
నా పేగు ముడి ప్రేమ గుడి నా తల్లిలే
నువ్వు నా అండగా నాకుండగా కంపించిపోదా కైలాసం
ఇపుడే శుభలగ్నం ఇది నా సంకల్పం
విధినే ఎదిరిస్తా నీ సాక్షిగా
అళగరు పెరుమాళు అందాల చెల్లెలా మిలమిలలాడే మీనాక్షీ
నీ కంటి పాపనే కాచుకో చల్లగా తెలతెలవారనీ ఈ రాత్రీ
చిందెయ్యరా ఓ సుందరా శ్రీగౌరికే బొట్టు పెట్టేయరా
చిందెయ్యరా ఓ సుందరా శ్రీగౌరికే బొట్టు పెట్టేయరా
తందాననా తాళాలతో గండాలు మాకు తప్పించరా
నీ పెళ్ళికి పేరంటమే ఊరేగవే ఊరంతా
కళ్యాణమే వైభోగమే కన్నార్పకే కాసంత
~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~
No comments:
Post a Comment