సాహిత్యం: సీతారామశాస్త్రి
పల్లవి:
అలా చూడు ప్రేమ లోకం పిలుస్తున్నది
కలే నేడు తీపి నిజమై ఫలిస్తున్నది
ప్రపంచమంతా దాటేద్దాం పద అన్నది
ప్రేమించుకుందాం రా నేస్తం మన వయస్సు తపస్సు తరించు వరమిది
అలా చూడు ప్రేమ లోకం పిలుస్తున్నది
కలే నేడు తీపి నిజమై ఫలిస్తున్నది
చరణం1:
ప్రతి జన్మ నీతోనే ముడేశాడు బ్రహ్మ
అనే నమ్మి నీ పేరే జపించానులేమ్మా
అదే పాట నా దాకా ఏలా చేరెనమ్మా
ప్రతీ బాట నా వైపే నిన్నే పంపెనమ్మా
నిరంతరం నీ ఊసేదో నను రమ్మన్నది
ప్రతీ క్షణం నీ ధ్యాసేగా కలవరించి వరించి రప్పించుకున్నది
అలా చూడు ప్రేమ లోకం పిలుస్తున్నది
కలే నేడు తీపి నిజమై ఫలిస్తున్నది
చరణం2:
అలల్లాంటి ఈ రాగం నువ్వే నేర్పలేదా
తుఫానంటి ఈ వేగం నువ్విచ్చింది కాదా
వెలేవేసి లోకాన్ని ఎటో వెళ్లిపోదాం
ఏదో చేసి కాలాన్ని అలా ఆగమందాం
రహస్య రాజ్యం చేరే జత కథే ఇది
సుఖాల తీరం కోరే మన ప్రయాణమివాళ ఫలించు క్షణమిది
అలా చూడు ప్రేమ లోకం పిలుస్తున్నది
కలే నేడు తీపి నిజమై ఫలిస్తున్నది
ప్రపంచమంతా దాటేద్దాం పద అన్నది
ప్రేమించుకుందాం రా నేస్తం మన వయస్సు తపస్సు తరించు వరమిది
అలా చూడు ప్రేమ లోకం పిలుస్తున్నది
కలే నేడు తీపి నిజమై ఫలిస్తున్నది
~~~~~~~~~~~~~~~~~~~~
~~~~~~~~~~~~~~~~~~~~
No comments:
Post a Comment