యజ్ఞం

తారాగణం: గోపిచంద్, సమీరా బెనర్జీ
గాత్రం: బాలు, శ్రేయా ఘోషల్
సాహిత్యం: సిరివెన్నెల
సంగీతం: మణిశర్మ
నిర్మాత: పోకూరి బాబురావు
దర్శకత్వం: రవికుమార్ చౌదరి
సంస్థ: ఈతరం ఫిలింస్
విడుదల: 2004



పల్లవి:

చిన్ననాటి చెలికాడే చురకత్తిలాంటి మొనగాడే
ఇన్నినాళ్ళు నా నీడై ఎదిగాడే ఓ ఓ ఓ
చిన్ననాటి సిరిమల్లి ఈనాటి కన్నె జాబిల్లి
వెన్నెలల్లె కన్నుల్లో కొలువుందే ఓ ఓ ఓ
రమ్మనే తన అల్లరి
ఝుమ్మనే నా ఊపిరి ఓ ఓ ఓ
చిన్ననాటి చెలికాడే చురకత్తిలాంటి మొనగాడే
ఇన్నినాళ్ళు నా నీడై ఎదిగాడే ఓ ఓ ఓ

చరణం1:

సూర్యుడైనా చల్లారడా వాడిలో వేడికి దాడిలో వాడికి
ఎప్పుడూ ఆ ధాటి కనలేదని
చంద్రుడైనా తలదించడా చెలియ చిరునవ్వుకి చెలిమిలో చలువకి
ఎన్నడూ తన సాటి కాలేనని
చిగురాకులై కొండలే ఊగవా చెలరేగు వేగానికి
సిరిమువ్వలై గుండెలే మ్రోగవా వయ్యారి సయ్యాటకి
మాటల్లో మంటలు మనసంతా మల్లెలు
స్నేహానికి అర్థమే తానుగా
రమ్మనే ఆ అల్లరి కమ్మగా మది తాకెనే ఓ ఓ ఓ ఓ ఓ ఓ

చరణం2:

తరలి రావా ఆ తారలూ రేయి నడిజాములో వాలుజడ సీమలో
జాజులై తల దాచుకుంటామని
మురిసిపోవా రాదారులు వాయు వేగాలతో వేయి సరదాలతో
తానిలా వస్తున్న కబురే విని
మారాణి పారాణి పాదాలతో ఈ నేల పులకించగా
మారాల గారాల గానాలతో ఈ గాలి కవ్వించగా
కురిసే చిరుజల్లులు విరిసే హరివిల్లులు
ముందే చెలి రాకనే చూపగా
ఝుమ్మనే నా ఊపిరి ఆమెకే ఎదురేగనీ ఓ ఓ ఓ ఓ ఓ ఓ

చిన్ననాటి చెలికాడే చురకత్తిలాంటి మొనగాడే
ఇన్నినాళ్ళు నా నీడై ఎదిగాడే ఓ ఓ ఓ
చిన్ననాటి సిరిమల్లి ఈనాటి కన్నె జాబిల్లి
వెన్నెలల్లె కన్నుల్లో కొలువుందే ఓ ఓ ఓ
రమ్మనే తన అల్లరి
ఝుమ్మనే నా ఊపిరి ఓ ఓ ఓ ఓ ఓ ఓ
ఓ ఓ ఓ ఓ ఓ ఓ

~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~