అప్పుచేసి పప్పుకూడు

గాత్రం:పి.లీల,పి.సుశీల




పల్లవి:

చిగురుల పూవుల సింగారముతో తీవెల సొంపులు గనలేదు
ముసిముసి నవ్వుల గిలిగింతలతో వసంత ఋతువా రానేలేదు
కాలం కాని కాలంలో కోయిల కూతలెందుకనో
తరుణం కాని తరుణంలో నా మది యీ గుబులెందుకనో
కాలం కాని కాలంలో కోయిల కూతలెందుకనో

చరణం1:

వలుపులు మీటగ తీయని పాటలు హృదయవీణపై పలికెనుగా
ప్రియతము గాంచిన ఆనందములో మనసే వసంత ఋతువాయెనుగా
కాలం కాని కాలంలో కోయిల కూతలందుకనే
తరుణం కాని తరుణంలో నీ మది ఆ గుబులందుకనే
కాలం కాని కాలంలో కోయిల కూతలందుకనే

చరణం2:

తళుకుబెళుకుళ తారామణులతో శారదరాత్రులు రాలేదు
ఆకాశంలో పకపకలాడుచు రాకాచంద్రుడు రానేలేదు
కాలం కాని కాలంలో చల్లని వెన్నెల ఎందుకనో
తరుణం కాని తరుణంలో నా మది యీ గుబులెందుకనో
కాలం కాని కాలంలో చల్లని వెన్నెల ఎందుకనో

చరణం3:

తలచిన తలపులు ఫలించగలవని బులపాటము బలమాయెనుగా
పగటి కల గను కన్యామణులను ప్రియుడే రాకాచంద్రుడుగా
కాలం కాని కాలంలో చల్లని వెన్నెల అందుకనే
తరుణం కాని తరుణంలో నీ మది యీ గుబులందుకనే
కాలం కాని కాలంలో చల్లని వెన్నెల అందుకనే

| |