ఓ ఓ ఓ వెండి వెన్నెల
ఓ ఓ ఓ దిగి రా ఇలా
అమ్మ కొంగులో చంటి పాపల
మబ్బు చాటునే ఉంటే ఎలా
పడిపోతానని పసి పాదాలకి పరుగే నేర్పవా
మదిలో దాగిన మధుభావాలకి వెలుగే చూపవా
మనసుంటే మార్గముంది తెంచుకోవె సంకెళ
ఓ ఓ ఓ సుప్రభాతమా
ఓ ఓ ఓ శుభమంత్రమా
మేలుకొమ్మనే ప్రేమగీతమా
చేరుకున్న నా తొలిచైత్రమా
నీ స్వరాలతో నా నరాలలో ఒక గంగానది
ఈ క్షణాన నీ జత చేరాలని అలలౌతున్నది
వెల్లువలా చేరుకోగ వేచియున్న సంద్రమా
అంత దూరమా స్వర్గమన్నది
చిటెకలో ఇలా వరమైనది
అందరాని నా స్వప్నమన్నది
అందమైన ఈ నిజమైనది
చిరుహాసానికి మా సంసారమే చిరునామా అని
ఈ సంతోషమే మా సంతానమై చిగురించాలని
ప్రతిరోజు పండుగల్లే సాగుతోంది జీవితం
~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~
No comments:
Post a Comment