పాండురంగ మహత్యం

తారాగణం: రామారావు,అంజలీదేవి,బి.సరోజాదేవి
గాత్రం: ఘంటసాల
సాహిత్యం: సముద్రాల రామానుజాచార్య(జూనియర్)
సంగీతం: టి.వి.రాజు
దర్శకత్వం: కమలాకర కామేశ్వరరావు
నిర్మాత: త్రివిక్రమరావు
సంస్థ: ఎన్.ఎ.టి. పిక్చర్స్ ప్రైవేట్ లిమిటెడ్
విడుదల: 1957

అందరికి కృష్ణాష్టమి శుభాకాంక్షలు

పల్లవి:

హే కృష్ణా ముకుందా మురారి
జయ కృష్ణా ముకుందా మురారి
జయ కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి

చరణం1:

దేవకి పంట వసుదేవు వెంట
దేవకి పంట వసుదేవు వెంట
యమునను నడిరేయి దాటితివంట ఆ ఆ ఆ ఆ ఆ ఆ ఆ ఆ
వెలసితివంట నందుని ఇంట
వెలసితివంట నందుని ఇంట
వ్రేపల్లె ఇల్లాయెనంట

కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి

చరణం2:

నీ పలుగాకి పనులకు గోపెమ్మ
నీ పలుగాకి పనులకు గోపెమ్మ
కోపించి నిను రోట బంధించెనంట ఆ ఆ ఆ ఆ ఆ ఆ ఆ
ఊపున బోయి మాకుల గూలిచి
ఊపున బోయి మాకుల గూలిచి
శాపాలు బాపితివంట

కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి

చరణం3:

అమ్మా తమ్ముడు మన్ను తినేను
చూడమ్మా అని రామన్న తెలుపగా
అన్నా అని చెవి నులిమి యశోద
ఏదన్నా నీ నోరు చూపుమనగా ఆ ఆ ఆ ఆ ఆ ఆ ఆ
చూపితివట నీ నోటను
బాపురే పదునాల్గు భువన భాండమ్ముల
ఆ రూపము గనిన యశోదకు
తాపము నశియించి జన్మ ధన్యత గాంచెన్

జయ కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి

చరణం4:

కాళీయ ఫణి ఫణ జాలాన ఝణ ఝణ
కాళీయ ఫణి ఫణ జాలాన ఝణ ఝణ
కేళీఘటించిన గోప కిశోరా ఆ ఆ ఆ ఆ ఆ ఆ ఆ
కంసాది దానవ గర్వాపహార
కంసాది దానవ గర్వాపహార
హింసా విదూరా పాప విదారా

కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి

చరణం5:

కస్తూరి తిలకం లలాట ఫలకే
వక్షస్థలే కౌస్తుభం నాసాగ్రే నవమౌఖ్తికం
కరతలే వేణుం కరే కంకణం
సర్వాంగే హరి చందనంచ కలయం
కంఠేచ ముక్తావళీమ్
గోపస్త్రీ పరివేష్ఠితో విజయతే గోపాల చూడామణి
విజయతే గోపాల చూడామణి

లలిత లలిత మురళీ స్వరాళి
లలిత లలిత మురళీ స్వరాళి
పులకిత వనపాలి గోపాలీ
పులకిత వనపాలీ
విరలీకృత నవరాసకేళి
విరలీకృత నవరాసకేళి
వనమాలీ శిఖిపించమౌళి
వనమాలీ శిఖిపించమౌళి

కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి
జయ గోవింద బృందావిహారి
కృష్ణా ముకుందా మురారి
జయ కృష్ణా ముకుందా మురారి

హే కృష్ణా ముకుందా మురారి

~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~