సాహిత్యం: దేవులపల్లి కృష్ణశాస్త్రి
పల్లవి:
గోరింట పూచింది కొమ్మ లేకుండా
మురిపాల అరచేత మొగ్గ తొడిగింది
గోరింట పూచింది కొమ్మ లేకుండా
మురిపాల అరచేత మొగ్గ తొడిగింది
ఎంచక్కా పండేనా ఎర్రన్ని చుక్క
ఎంచక్కా పండేనా ఎర్రన్ని చుక్క
చిట్టి పేరంటాలికి శ్రీరామరక్ష
కన్నె పేరంటాలికి కలకాలం రక్ష
గోరింట పూచింది కొమ్మ లేకుండా
మురిపాల అరచేత మొగ్గ తొడిగింది
చరణం1:
మామిడి చిగురెరుపు మంకెన పువ్వెరుపు
మణులన్నింటిలోన మాణిక్యం ఎరుపు
మామిడి చిగురెరుపు మంకెన పువ్వెరుపు
మణులన్నింటిలోన మాణిక్యం ఎరుపు
సందె వన్నెల్లోన సాగే మబ్బెరుపు
సందె వన్నెల్లోన సాగే మబ్బెరుపు
తానెరుపు అమ్మాయి తనవారిలోన
గోరింట పూచింది కొమ్మ లేకుండా
మురిపాల అరచేత మొగ్గ తొడిగింది
చరణం2:
మందారంలా పూస్తే మంచి మొగుడొస్తాడు
గన్నేరులా పూస్తే కలవాడొస్తాడు
మందారంలా పూస్తే మంచి మొగుడొస్తాడు
గన్నేరులా పూస్తే కలవాడొస్తాడు
సింధూరంలా పూస్తే చిట్టి చేయంతా
సింధూరంలా పూస్తే చిట్టి చేయంతా
అందాల చందమామ అతనే దిగి వస్తాడు
గోరింట పూచింది కొమ్మ లేకుండా
మురిపాల అరచేత మొగ్గ తొడిగింది
చరణం3:
పడకూడదమ్మా పాపాయి మీద
పాపిష్టి కళ్ళు కోపిష్టి కళ్ళు
పడకూడదమ్మా పాపాయి మీద
పాపిష్టి కళ్ళు కోపిష్టి కళ్ళు
పాపిష్టి కళ్ళల్లో పచ్చ కామెర్లు
పాపిష్టి కళ్ళల్లో పచ్చ కామెర్లు
కోపిష్టి కళ్ళల్లో కొరివి మంటల్లు
గోరింట పూచింది కొమ్మ లేకుండా
మురిపాల అరచేత మొగ్గ తొడిగింది
~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~
No comments:
Post a Comment